Жалпы Президент реформаларының барлығы мемлекеттің дамуына, азаматтардың конституциялық құқықтарын күшейтуге, адами капиталды арттыруға, қоғамдағы азаматтық белсенділіктің қалыптасуына, халықтың әлеуметтік-экономикалық жағдайын жақсартуға, түптеп келгенде қазақстандықтардың жайлы өмір сүруі үшін жасалып жатыр.
Соның бір айқын көрінісі – Қасым-Жомарт Тоқаев азаматтардың құқықтарын қорғау мәселесіне айрықша мән берді. Мемлекет басшысы өзінің былтырғы Жолдауында полицияның жұмысын жетілдіру бағытында нақты шаралар қабылдауды тапсырды. Бұл шаралар халықтың сұранысына, қоғамның мүддесін қорғауға бағытталған полиция құруды көздейді.
Осы орайда, Келес ауданы әкімінің орынбасары Даурен Сариевтің төрағалығымен аудан әкімдігі жанындағы кәмелетке толмағандардың ісі және олардың құқықтарын қорғау жөніндегі комиссия отырысы өтті.
Жиынға аудандық полиция бөлімінің бастығы Болат Қаныбеков, аудандық кәмелетке толмағандардың ісі және олардың құқықтарын қорғау жөніндегі комиссия мүшелері және аудандық білім бөлімінің мамандары қатысты.
Комиссия отырысында кәмелетке толмағандар арасында нашақорлық, уытқұмарлық ауруының жағдайы туралы «Абай» Келес аудандық ауруханасы басшысы баяндаса, міндетті мектеп формасына қойылатын талаптардың орындалуы туралы аудандық білім бөлімінің өкілі мәлімдеді.
— Қазақстан Республикасы білім және ғылым министрлігінің 2016 жылғы 14 қаңтардағы №26 бұйрығымен орта білім беру ұйымдары үшін міндетті мектеп формасына қойылатын талаптар бекітілген. Талаптар білім берудің зайырлы сипатын іске асыруға және орта білім беру ұйымдары білім алушыларының арасында әлеуметтік, мүліктік және басқа да өзгешеліктердің белгілерін жоюға бағытталған.Талаптардың мақсаты – міндетті мектеп формасын қолдануда орта білім беру ұйымдарының бірыңғай келісімін қамтамасыз ету, ата-аналардың мектеп формасына жағымды қатынасын қалыптастыру, оқытудың зайырлы сипатын сақтауда оқу орны басшыларының және қоғамдық кеңестердің (мектеп кеңесі, қамқоршылық кеңес, ата-аналар комитеті) жауапкершілігін арттыру.Мектеп формасына түрлі конфессияларға қатысты киім элементтерін қосуға болмайды, — деді Әшірбек Әдеев өз баяндамасында.
Жиын соңында комиссия төрағасы Даурен Сариев кәмелетке толмаған жасөспірімдердің қауіпсіздігі, жат әдет- қылықтардын аулақ болуы, қажетті деңгейде білім мен тәрбие алуы, олардың құқықтарының қорғалуы жауапты мекемелердің ұдайы назарында болуы қажеттігін айтып, нақты тапсырмалар жүктеді.
