1-Қазан халықаралық қарттар күні мерекесіне орай Сарыағаш ауданы қарттарының бастарын қосып дастархан жайылып, салтанатты шара өтті.
Шарада Сарыағаш ауданының әкімі Арман Абдуллаев сөз алып, бүгінгі күні еліміздің үлкен жетістіктерге жетіп, дүние жүзіне танылған, стратегиялық тұрғыдан сенімді әріптес, іргелі мемлекет атануына біздің аудан тұрғындарының, оның ішінде ардагер аға-апаларымыздың еңбегі аз емес. Мағыналы ғұмырларын еліміздің өсіп-өркендеуі жолындағы адал еңбекке арнаған жандар – қарияларымызға үшін қанша сый-құрмет болса да артық емес.
Сіздердің еліміздің дамуы мен өркендеуі жолындағы орасан зор еңбектеріңіз кейінгі ұрпақ жадынан ешқашан ұмытылмайды. Баршаңызға мықты денсаулық, отбасыларыңызға береке, бірлік, мейірім мен шуақты ғұмыр тілеймін.
Мерейлі мерекелеріңіз құтты болсын!-деп ізгі тілегін жеткізді.
Мерекелік шарада ауданның бірқатар қариялары әлеуметтік-экономикалық, әсіресе қоғамдық-саяси өмірінің дамуына қосқан орасан зор үлестері үшін төс белгілері және алғыс хаттармен марапатталды. Сонымен қатар аудандық мәслихат төрағасы С.Тасқұлов, аудандық ардагерлер кеңесінің төрағасы М.Сүлейменов облыстың құрметті азаматы Ә.Досполов мерекемен құттықтады.
Мерекелік шара концерттік бағдарламамен үйлесімін тапты.
