Ордабасы ауданының орталығы Темірлан ауылында жергілікті өнеркәсіп және ауыл шаруашылығы өнімдерінің жәрмеңкесі өтті.
Аудан әкімі Азат Оралбаев бағаны тұрақтандыру бойынша жәрмеңкені аралап, әлеуметтік маңызы бар азық-түлік өнімдері тұрғындарға қолжетімді бағада саудалануын тексерді.
Сенбілік жәрмеңкеге ауданға қарасты ауылдық округ шаруа қожалықтарының өнімдері ұсынылды.
Жәрмеңкеде: сиыр еті — 2000 теңгеден, қой еті 2200 тг; көкөністер, картоп 100-80 тг; сәбіз 200-150 тг; пияз 100-70 тг; қияр 250-200 тг; шұжық өнімдерінің онға жуық түрі 670-1500 тг; қырыққабат 300-250 тг; асқабақ 80-100 тг; қызыл-көк болгар 70 тг; ТОО «Инфрастрой» ЛТД құс еті өнімдері 900-1300 тг; ТОО «Ордабасы НАН» ЖШС I сорт 50 кг ұн — 9700 тг; алма 200 теңгеден сатылды.
