Бүгінде оңтүстік өңірде шағын және орта бизнес қарқынды дамып келеді. Соның бірі шардаралық кәсіпкер Айсұлу Баратова бауырларымен бірге шағын цех ашып, кір жуатын сабын мен ыдыс жууға арналған сұйық сабын шығаруды қолға алған.
Қазіргі таңда өндіріс орнында тәулігіне 300 литр ыдыс жууға арналған сұйықтық пен 250-300 дана кір сабын өндіріледі. Өнімдер Шардара, Жетісай, Мақтаарал аудандарымен қатар Шымкент қаласына жөнелтіледі. Өнім өндіруге қажетті шикізатты Алматы қаласы мен көршілес Өзбекстаннан тасымалдайтын жас кәсіпкер алдағы уақытта өнім түрлерін көбейтіп, кәсіпорынның қуаттылығын арттыруға ниетті. Бүгінде өнімдеріне деген сұраныстың артуына байланысты қосымша құрал-жабдықтар мен жұмысшы күшін арттыру мақсатында құжаттар дайындап жатыр.
Айта кетсек, бүгінде Шардара ауданында 1,3 млн теңгелік қайтарымсыз грантты 21 жас жеңіп алған.
