Түркістан облысында жергілікті тұрғындарды тұрақты жұмыспен қамту бағытында бірқатар жобалар қолға алынған. Мемлекеттік қайтарымсыз грант көмегімен кәсібін дөңгелетіп отырған азаматтың бірі Бәйдібек ауданында тұрады.
Ия, бүгінгі күннің талабы басқаша, өте жоғары. Осы талапқа сай өзінің кәсібін дамытып, ілгерілетіп келе жатқан Азамат есімді кәсіпкер бар.
Азаматтың кәсібі — жарнама агенттігі.
Жарнамалық агенттік дегеніміз – бұл нарықтағы тауардың алға жылжуына ықпал ететін, жарнамалық іс-шараларды өткізуге және жарнамалық материалдарды дайындауға маманданған іскер және шығармашылық адамның тәуелсіз ұйымы. Жарнамалық агенттік — ішкі және сыртқы жарнамалармен қатар, орналастыру қызметін де ұсынады. Жарнама — күнделікті өміріміздің құрамдас бөлігіне, өзіндік заңдылықтары бар қоғамдық құбылысқа айналды. Тұтынушы мен өндіруші арасындағы маңызды дәнекер буын бола отырып, жарнама — экономиканың дамуын ынталандыратын, өндірістік үдерістер мен өнім сапасын жетілдіретін маңызды тұтқа ретінде көрінуде. Жарнама — сауданы «жүргізетін» тетік қана емес, сондай-ақ тұтыну мәдениетін жаңа биіктерге көтеретін «өркениет үдеткіші» де болып отыр.
Азамат 1999 жылы Алматы технологиялық университетіне «Экономика және менеджмент» мамандығы бойынша оқуға түседі. Университет қабырғасында жүріп дизайнер және програмист қызметтерін қоса алып жүріп, «АйСу» және «Марсэл» сынды үлкен компаниялардың логотиптерін жасап беріп, көзге түсе бастайды.
Жоғарғы оқуды бітірген соң 2007-2009 жылдары аралығында Алматы қаласында өзінің жеке жарнама агенттігін ашады. Отбасы жағдайына байланысты елге оралып, 2009 жылы отбасын құрайды. Бәйдібек ауданы Кеңестөбе ауылының тумасы Еңілік атты қызға үйленеді. 2009-2016 жылдары аралығында құрылыс компаниясында «заңгер» қызметтерін атқарып, 2016 жылдан бүгінгі күнге дейін ауданымызда орналасқан құс өсіру орталығына лобарант болып еңбек етіп келеді. Жұмыстан тыс уақытында жарнама агенттігін қайта қолға алып Бастау бағдарламасы арқылы «грант жүлдегері» атанып, алған қаржысына керекті аппараттарын сатып алады. Азамат Мемлекеттік бағдарламаларды іске асыра отырып, үлкен кәсіпкер болуға болатынын дәлелдеп отыр десек артық айтпаған болар едік. Сондай-ақ, ол бүгінгі күні №19 колледжбен келісім шартқа тұрып, бірлесе жұмыс атқаруда. Колледжде «програмист дизайнер» мамандығы бойынша оқып жатқан студенттердің іс-тәжірибелерін өзінде өткізіп, студенттердің болашақта өздерінің жекелеген кәсіптерін ашуына, азамат болып қалыптасуына септігін тигізгісі келеді.
Азаматтың атқаратын қызметтеріне тоқтала өтсек: ол пайдаланатын аппарат ол — «лазерлік аппарат» (lazercut machine 6040).
Лазерлік аппарат кез келген затты ойып және кесіп, сонымен қатар тиесілі 32 нұсқауды өңдей алады, гравюраның жоғары дәлдігін қамтамасыз етеді. Сондай-ақ, лазерлік гравюра және кесу осы машинамен оңай атқарылады және жұмыс істеу қауіпсіз. Аппарат сыйлық жиынтықтарын өндіру мен кәде сый жасау үшін де өте қолайлы. Машина былғарыға, ағашқа, шыныға, керамикаға, металға (металдың барлық түрлеріне), фанераға, тасқа жоғары дәлдікпен, жылдамдықты қамтамасыз ете отырып кесуге және оюға мүмкіндік береді.
Екінші қызметінің түрі, ол — 2021 жылы алынған «Infiniti 3608» модулді аппаратымен жасалатын сыртқы жарнама, яғни «баннер» жасау.
Көрнекі бейнеге негізделген жарнама (ағылшынша Banner жалауша, транспарант, жарнамалық сипаттағы графикалық кескін). Баннер толығымен сурет түрінде немесе ілеспе мәтін мен сілтемесі бар сурет түрінде болуы мүмкін. Баннерлік жарнама негізінен суға және күнге төзімді болады.
Халыққа көрсететін үшінші қызметінің түрі — ішкі жарнама. Бүгінде барлық мекеме ішінен орын тепкен стенд түрлерінің барлығын жасау үшін алынған NOVAGET 750 аппараты.
Бұл аппаратпен холост, портрет, картинаның сан алуан түрлерін жасауға болады. Мұндағы барлық аппараттардың түсін түстеп жазу мүмкін емес-ті. Сонда да бірер; мысал айталық киімге кез келген сурет немесе жазу жаздыруға болады. Сонымен қатар, сувенирлер, мектеп бітірушілерге арналған ленталар, қабырғаға ілінер шежірелер, арнайы сыйлық ретінде кружкаға, блокнотқа басқа да қалаған заттарыңызға сурет пен кез келген жазуларды жазып бере алады. Бұл кәсіпті отбасылық кәсіп десек те қателеспейміз.
Е.ӘБДІБЕКҰЛЫ.
