Мемлекет басшысы «Әділетті мемлекет. Біртұтас ұлт. Берекелі қоғам» атты Қазақстан халқына Жолдауында – келер жылы 100 мың жасты жұмысқа орналастыру. Қазіргі жұмыссыз жүрген жастарды кәсіппен баулып, жұмыспен қамту – ұлттың болашағына жасалып жатқан үлкен қадам. Сондай-ақ, Жолдауда Мемлекет басшысы қарапайым еңбек адамдарына құрмет көрсету туралы айтты.
Бүгінде Түркістан өңірінде кәсіптерін дөңгелетіп отырған еңбек адамдары аз емес, диқаншылықты кәсіп еткен еңбек адамдары аз емес.
Кентау қаласы Қарнақ ауылында «Мырза» шаруақожалығында жеміс-жидектердің ерекше сорттары өсіп тұр. Шаруақожалық иесі Ануар Мырзаев.
Ол 25 жылдан бері бау-бақша өсірумен айналысып келеді. Өзінің мамандығы — агроном. Бау-бақшада алманың 20 түрі, өріктің 10 түрі, шабдалының 12 түрі, алмұрттың 6 түрі, черешня 2 түрі, қара өріктің 5 түрі, жүзімнің 5 түрі, анар жемістері отырғызылған. Сонымен қатар, раушан гүлінің бірнешке түрі мен шырша талдарының ерекше сорттары бар. Көгөністен картошка, пияз өсіріп, барлығын сатылымға шығаруда.Жалпы, 8 гектарды алып жатқан шаруақожалықтың 1,5 гектарында балық шаруашылығы қолға алынған.
Қәзіргі таңда, көлшіктерге балықтың шабақтары жіберілген.
«Алдағы мақсатым — балық шаруашылығының маңайына демалыс аймақтар салу. Арнайы көшет талдарын егуге арналған жерімді кеңейту. Еңбек бар жерде береке болады. Әр адам өз ауласын бақшаға айналдырып өнім алуға мүмкіндіктері бар. Мен тіпті кеңес беруге де әзірмін» дейді шаруақожалық иесі.
Ерекше сорттағы жеміс-жидектердің көшеттерін Ануар Мырзаев арнайы өзі егіп, әзірлейді. Тіпті жан-жақтан сатып алуға ұсыныс білдірушілер көп. Шыққан өнімдерін Кентаудан бөлек, Шымкент. Түркістан, Жезқазған, Қарағанды, Астана қалаларына жіберіп отырады. Қарамағында бүгінгі таңда 25 ауыл тұрғыны жұмыс жасайды.
