«Алатау» медиа орталығында Түркістан облысы Сауран ауданы әкімдігінің брифингі өтті. Жиында Сауран ауданының әкімі Ғалымжан Үсенбаев 2022 жыл және 2023 жылдың І тоқсан қорытындысымен бөлісті. Тарихы терең Сауранның өз алдына аудан болғанына жуырда ғана 2 жыл толған еді. Әкімнің есебінде өткен жылғы жеткен жетістіктер мен жеңістерді саралап, биылғы жоспарлар таныстырылды.
Аудан әкімі брифингке келген БАҚ өкілдерінің сауалдарына жауап беріп, олардың көтерген мәселелері бойынша жұмыстардың жүргізілетіндігін мәлімдеді. Ендеше, оқырман назарына Ғалымжан Қарабайұлының баяндамасын ұсынамыз.
Сауран ауданында 100 мыңнан астам халық тұрады, аудан аумағы 721,7 мың гектарды құрайды. Құрамына 12 ауылдық округі, 36 елді мекен кіреді. Жалпы халықтың 43,4 мың адамы жұмысқа жарамды, оның ішінде жұмыспен қамтылғаны 41,2 мың адам, жұмыссыздық деңгейі 5,0%-ды құрады.
2021-2025 жылдарға арналған кәсіпкерлікті дамыту жөніндегі Ұлттық жоба аясында, 2023 жылы Сауран ауданы бойынша 5 990 азаматты жұмыспен қамту жоспарланған.
«Ұлттық жоба» аясында 2023 жылдың 3 айында 3 940 азамат өтініш білдіріп, оның ішінде 2 303 азамат әлеуметтік шаралармен қамтылған.
Жұмыс орындарын субсидиялауды ұйымдастыру арқылы кәсіпкерлерді қолдау шаралары негізінде:
Әлеуметтік жұмыс орнына – 262, жастар практикасына – 85, қоғамдық жұмыстарға – 862, алғашқы жұмыс орындарына – 14 азамат тартылса, күміс жас жобасы бойынша – 84 тұрғын қамтылды. Мемлекеттік грант – 1-ші лектің қорытындысына сәйкес 20 адамға берілді. «Бастау бизнес» жобасы аясында 495 азамат оқытылып, сонымен қатар, бағдарламалар бойынша 91 мүмкіншілігі шектеулі азаматтар жұмыспен қамтылды.
