Еңбек қауіпсіздігі және еңбекті қорғау — кез келген кәсіпорын үшін басты міндет. Ал азаматтардың өмірі мен денсаулығын сақтауға, гигиена мен қауіпсіздік талаптарына жауап беретін еңбек жағдайына Ата заң кепілдік береді. Алайда қоғамда өндірістік жарақаттардың әсіресе, құрылыста, тау-кен шахталарында орын алып жатқанын естіп, көріп жүрміз.
Осы орайда, Түркістан қаласы құрылыс кешені және тұрғын үй-коммуналдық шаруашылық саласы қызметкерлерінің жергілікті кәсіподағы комитетінің төрағасы Бектас Шірікбаев, кезекті семинарды «Түркістан жол құрылысы» КММ-нің бастауыш кәсіподақ ұйымында өткізді.
Семинар барысында жергілікті кәсіподақ комитетінің төрағасы Кәсіподақтар Федерациясының бастамасымен 2023 жыл «Қауіпсіз еңбек жыл» деп жариялануына орай, еңбеккерлерге еңбекті қорғау және техника қауіпсіздігін сақтау, өндірістік жазатайым оқиғаларды болдырмау және еңбек дауларын алдын-алу, еңбек адамдарының әлеуметтік жағдайын көтеру аясындағы түрлі ақпараттармен бөлісіп, қатысушылармен аталған бағыттағы жұмыстарды талқылады.
Жиын соңында кәсіподақ мүшелері тақырып бойынша көкейтесті сұрақтарын жолдап, оларға жан-жақты жауаптарын алды.
