Жастардың кәсіпкерлік бастамасына қолдау көрсету үшін 40 миллиард теңге бөлінді. Бұл туралы еліміздің әлеуметтік-экономикалық дамуы жөніндегі кеңесте Президентіміз Қасым-Жомарт Тоқаев айтты.
Бұл — жастарға үлкен қолдау деп санаймын. Бүгінде еңбек нарығында жастардың үлесі артып келеді. Үкіметке және әкімдерге 2030 жылға қарай 3 миллион 300 мың адамды жұмысқа тұрғызу туралы тапсырма берілді. Оның 2,2 миллионы жастар болып, жаңа жұмыс орындары уақытша емес, тұрақты болғандығының жөн екендігі түсіндірілді.
«Елімізде аймақтардың жұмыспен қамту карталары бекітілген. Соған сәйкес жыл сайын шамамен 950 мың адамға жұмыс тауып беру көзделген. Ол үшін бюджеттен 130 миллиард теңге бөлінді. Осы қаржының арқасында, яғни субсидия арқылы 150 мың адам жұмысқа орналасады. Оның бәрі – жастар және әлеуметтік тұрғыдан осал санаттағы азаматтар», деді Мемлекет басшысы.
Сондай-ақ кеңесте жастардың кәсіпкерлік бастамасына қолдау көрсету үшін 40 миллиард теңге бөлінгені айтылды. Қаражат аймақтарға берілді. Қазір бизнес саласындағы үздік идеяларды таңдап алу үшін конкурстар басталды.
Президент бастамалары бүгінде өз жемісін беріп жатыр. Ел дамуы жолында игі істерге бәріміз бірлесе атсалысуымыз керек.
Құндыз МҰРАТҚЫЗЫ,
Төлеби ауданы «Жастар ресурстық орталығы» КММ инспекторы
