Аудан әкімі Нұрбек Бадырақов Төрткөл ауыл округінде болып, механикалық тазалауды қажет ететін және механикалық тазалау жұмыстары жүргізіліп жатқан каналдардың жай-күйімен танысты.
Қазіргі таңда 4 каналдың (Р-8-А, Р-9, Р-10, Р-10-2) 9,1 шақырымына механикалық тазалау жұмыстары жүргізілсе, Р-11-С, Р-11-К, Р-9-А каналдарын 4 техника механикалық тазалаудан өткізіп жатыр.
Сонымен қатар, аудан басшысы көктемгі дала, оның ішінде жер жырту жұмыстарын көрді.
Аудан бойынша жыртылуы қажет жердің 21 265 гектары айдалған (65 %). Оның ішінде: Төрткөл ауыл округінде 5847 гектар айдалған (8 846 Га).
Аудан әкімі салаға жауапты аудан әкімінің орынбасарына, тиісті бөлімге наурыз айының ортасына дейін жерді толық көлемде жырту қажеттігін ескертті.
Аудан әкімінің баспасөз қызметі
