Ордабасы ауданының әкімі Нұрбек Бадырақовтың төрағалығымен аудандық полиция бөлімі 2022 жылдың 12 айында атқарылған жұмысына байланысты есептік жиын өткізілді.
Жиында ауданның бас полицейі
Ғалымжан Қуашбаев қылмыспен күресті күшейту, қоғамдық қауіпсіздікті қамтамасыз ету бағытында атқарылған жұмыстар жайын баяндады.
Жыл көлемінде 37 профилактикалық шара өткізіліп, 11499 құқық бұзушылық анықталған. 86 млн.тг.аса айыппұл салынып, оның 55 млн.тг.астамы өндіріліп алынған. Аталған шаралардың нәтижесінде ауданда тіркелген қылмыстардың жалпы саны 10,2%-ға төмендеген. Атап айтар болсақ, мал ұрлығы былтырғы жылмен салыстырғанда 37,5%-ға, жол-көлік оқиғасы 23,1%-ға төмендеген.
Жиында аудан тұрғындары тарапынан учаскелік полицейлердің санын ұлғайту, учаскелік тірек салу, бейнебақылау камераларын орнату сияқты мәселелер көтеріліп, олар бойынша нақты жауаптар берілді.
Өз кезегінде аудан басшысы аудандық полиция қызметкерлеріне қырағы жұмыстарына алғысын білдіріп, қоғамдық тәртіпті сақтауда, қылмыспен күресуде қашанды қырағы болу, халықпен тығыз байланыста жұмыс жасау керектігін айтты.
Жиын соңында қызметін адал атқарып, елдің алғысын арқалаған бірқатар полиция қызметкеріне аудан әкімінің атынан алғыс хаттар мен аудандық мәслихат хатшысының құрмет грамоталары табысталды.
Аудан әкімінің баспасөз қызметі
