Ордабасы ауданының әкімі Нұрбек Бадырақов “Жастар орталығы” ғимаратында облыстық, республикалық, халықаралық және әлемдік додаларда топ жарып, еліміздің көк туын желбіретіп жүрген ауданымыздың бірқатар спортшыларымен кездесті.
Олардың қатарында ауданның тумасы, жуырда ғана ауыр атлетикадан Колумбия мемлекетінде өткен Әлем чемпионатының қола жүлдегері Нұрғиса Әділетұлы, “Жас барыс” республикалық турнирінің 1-ші орын иегері Мейірхан Бейсенәлі, Өзекстанда өткен қол күресінен 65 келі салмақта Азия кубогінің 1-ші орын иегері Нұрсұлтан Сапаров, жеңіл атлетикадан халықаралық спорт шебері Аружан Алтыбай, Джиу-джитсудан ҚР чемпионатының екі дүркін чемпионы Абылай Әлішев, Самбо және әскери самбодан, белбеу күресінен ҚР спорт шебері Гүлзира Құрасбек және волейболдан, каратэ-додан, күрестен түрлі деңгейдегі жарыстардың жеңімпаздары бар. Сондай-ақ басқосуға спортшылардың жаттықтырушылары, ата-аналары да қатысты.
Аудан басшысы құттықтау сөз сөйлеп, елдің мерейін асырып, абыройын тасытып жүрген спортшыларды мерекемен құттықтады. Ауданның спорт саласындағы жеткен жетістіктерін тілке тиек етіп, мемлекет тарапынан аталған саланың дамуына жасалынып жатқан игі істерге тоқталды.
Кездесу барысында аудан әкімі спортшыларға алғыс жариялап, сый-құрмет көрсетті.
Аудан әкімінің баспасөз қызметі
