Келес ауданында биогумус өндіру жұмыстары қарқынды іске асырылуда. Ауданда аталған жобаға қызығушылық танытып, органикалық тыңайтқышты өндіруді қолға алған азаматтар саны артқан. Қазіргі таңда 60-қа жуық азамат осы жобаны жүзеге асырып, пайдасын көріп отыр.
— Биогумус топырақтың құнарлылығын, құрылымын және физикалық қасиеттерін жақсартады. Ол тыңайтқыш қолданылғаннан кейін топырақты бірнеше жыл бойы қатарынан қолдануға болады. Биогумус, топырақты эрозияға ұшыраудан сақтайды. Топырақтың құнарын арттырады. Сонымен қатар, экологиялық таза өнім алуға мүмкіндік болады. Әр гектардан алынатын өнімнің көлемі көбейіп, тауар өндірушілердің табыс көзі артады, — дейді Абай ауылының тұрғыны Гүлнар Дүйсебаева.
Айта кетсек, биогумус — таза экологиялық қызыл калифорниялық шылаушыннан алынатын, құрамында барлық элементтері бар, баламасы жоқ органикалық тыңайтқыш.
Түркістан облысының Өңірлік коммуникациялар қызметі
