Ордабасы ауданы әкімдігінде аудан әкімінің орынбасары А.Оралбаевтың төрағалығымен «Аудандағы Конго-Қырым қанды қызбасының эпидемиологиялық жағдайы» туралы үйлестіру кеңесінің мәжілісі өткізілді.
Мәжіліске кеңес мүшелері және ауылдық округ әкімдері қатысты.
Негізгі баяндама жасаған аудандық санитариялық-эпидемиологиялық басқарма басшысы А.Кемелов ауданда 3 науқас КҚҚҚ тіркелгенін, оның екеуі сауығып, бір науқас қажетті емдерін алып жатқандығын мәлімдеді. Қазіргі таңға 138 кене шағу жағдайларымен азаматтардың ЕПМ-не қаралғанын, мал-дәрігерлік қызмет тарапынан көктемгі залалсыздандыру жұмыстарының сапасын арттыру керектігін атап өтті.
Аудандық орталық аурухана бас дәрігері Б.Сағынбеков дәрі қорының жеткілікті екенін, дәрігерлердің осы ауруды анықтауда дайындықтан өтіп, күнделікті бақылауға алғандығына тоқталса, «Ветеринарлық қызметі» ШЖҚ КМ аудандық филиал басшысы Б.Хаджимуратов, вет.инспекция басшысы Н.Әлібеков малдарды, қораларды кенеге қарсы залалсыздандыру жүргізуде туындап отырған мәселелерді көтерді.
Мәжіліс қортындысымен аудан әкімінің орынбасарлары А.Оралбаев, Қ.Сейітқұл тарапынан тиісті мекемелерге тапсырмалар мен жұмысты жүйелі ұйымдастыруға ұсыныстар берілді.
Ордабасы ауданы әкімдігінің баспасөз қызметі
