Мемлекет басшысы Қасым-Жомарт Тоқаевтың 2022 — «Балалар жылы» деп жариялауына және ҚР Рәміздеріне 30 жыл толуына орай аудандық Адами әлеуетті дамыту бөлімінің ұйымдастыруымен оқушылар арасында «Тұлпар мініп, ту алған» атты өнер фестивалі өтті.
Мәдени шара Темірландағы «Самұрық» аллеясында өнер көрмесімен басталды.
«Рухани жаңғыру» бағдарламасы аясында салт-дәстүр мен әдеп-ғұрыпты дәріптейтін 1000 -ға жуық қол өнер бұйымдары, жас суретшілердің суреттері көрмеге қойылды.
Фестивальді аудан әкімінің орынбасары Қыдырбай Сейітқұл ашып, өнер көрсеткен барша талантты оқушылардың үлкен сахналарды бағындыратын танымал тұлғалар атануына тілектестік білдірді.
Ордабасы ауданы әкімдігінің баспасөз қызметі
