Бүгін аудан орталығы Темірланда 1 мамыр Қазақстан халқының бірлігі күніне орай салтанатты мерекелік іс-шара өтті.
Орталық алаңда ұйымдастырылған концерттік думанға аудан әкімінің орынбасары Қыдырбай Сейітқұл қатысып, ұлт пен ұлысты ұйыстырудағы маңызы зор мерекенің мән-маңызына тоқталды. Ауданымыздағы барлық ұлт өкілдерін мерейлі күнмен құттықтап, татулыққа шақырды.
Аудандық Мәдениет үй мен Өнер мектебінің өнерпаздары тұрғындар үшін бірлік мерекесінің мән-маңызын ашатын концерттік бағдарлама ұсынды.
«Самұрық» аллеясында ұлттық қолөнер шеберлерінің көрмесі, арнайы бекітілген орындарда тәтті тағамдар қатары қойылып, ұлттық спорт ойындарынан түрлі сайыстар ұйымдастырылды.
Сондай-ақ мереке күніне орай жергілікті тауар өндірушілер жәрмеңкесі өткізілді.
Жәрмеңкеде тауар өндірушілері «Алма СПК» жшс-нің шұжық өнімдерін тауар түріне карай (850-3000 тг) ,
“Ордабасы құс” ЖШС-нің өнімдерін (1200- 3000 тг),
“Бөрте Милка” ЖШС-нің өнімдерін (185-1700 тг),
әсел өнімдерін (1300-3000 тг) нарықтағы бағадан төмен саудалады.
Ордабасы ауданы әкімдігінің баспасөз қызметі
