Түркістан облысының жастары ұлттық рух пен салт-дәстүрді дәріптеген ерекше сайыста бас қосты. Бәйдібек ауданы “Жастар ресурстық орталығы” КММ-нің бастамасымен ұлттық құндылықтарды насихаттауға бағытталған облыстық “АУЫЛ LIVE” ұлттық ойындар сайысы жоғары деңгейде өтті.
Сайыстың мақсаты – жастар арасында ұлттық салт-дәстүрлерді, қолөнер мен ұлттық ойындарды дәріптеу, қазақтың бай мәдени мұрасын таныту және ауыл өмірінің құндылығын ұғындыру арқылы жас ұрпақтың бойына ұлттық рух пен патриоттық сезім қалыптастыру.
Салтанатты ашылу рәсімінде Бәйдібек ауданының әкімі Нұрмаханов Ерлан Заипұлы және Түркістан облысы қоғамдық даму басқармасы “Жастар ресурстық орталығы” КММ-нің басшысы Ернар Нұралыұлы құттықтау сөз сөйлеп, қатысушы жастарға сәттілік тіледі.
«Ауыл LIVE» жобасы – жастарды ұлттық құндылықтарға баулитын, дәстүрімізді жаңғыртатын маңызды алаң. Мұндай сайыстар – ұлттың рухын көтеретін, жастардың рухани дамуына ықпал ететін іс-шаралар. Қатысушы жастарға сәттілік тілеймін!» – деді Ернар Нұралыұлы.
Сайысқа Түркістан облысының 17 аудан-қаласынан жиналған жастар қатысып, ұлттық ойындар мен өнер сайыстарында бақ сынасты.
Сайыс бағыттары:
Ұлдар арасында: “Арқан өру”, “Ағаштан бұйым жасау”, “Асық ату”.
Қыздар арасында: “Талқан жасау”, “Таба нан жабу”, “Кесте тігу”.
Ақындар айтысы сайысы – жастардың сөз өнеріне деген қызығушылығы мен шеберлігін көрсеткен алаң болды.
Сайыс нәтижесі бойынша командалық есеп:
1-орын – Сарыағаш ауданы
2-орын – Ордабасы ауданы
3-орын – Созақ ауданы
Ақындар айтысы бойынша жүлдегерлер:
1-орын – Біржанұлы Исламәлі
2-орын – Маратұлы Аян
3-орын – Бақтияр Айша
Жеңімпаздарға арнайы марапаттар мен қаржылай сыйлықтар табысталды.
“АУЫЛ LIVE” жобасы арқылы жастар халқымыздың ұмыт бола бастаған дәстүрлері мен қолөнерін жаңғыртып, ұлттық сана мен мәдениеттің өркендеуіне үлес қосты.
