Сарыағаш ауданы, Тегісшіл ауылдық округінде орналасқан, «№30 С.Торайғыров атындағы жалпы білім беретін мектеп» КММ-нің мәжіліс залы және «№49 М.Жұмабаев атындағы жалпы білім беретін мектеп» КММ-нің кітапханасында, 7,8,9 сынып оқушылары арасында Сарыағаш ауданының АПҚ ЖПҚ ЮПТ полиция инспекторы А.Жүнісбеков, Тегісшіл ауылдық округіне қарасты учаскелік полиция капитаны М.Тулегенов жене мектеп ұжымы бірлесе отырып, интернет-алаяқтарының алдын алу, жастарға кеңінен мағлұмат түсіндіру жұмысын жүргізді.
Соңғы уақытта қоғамда алаяқтар шалғай ауылдардағы жастар мен тұрғындарға көбінесе банктің қауіпсіздік қызметкері болып телефон соғады. Телефон арқылы олар күмәнді төлем немесе аударым туралы хабарлайды және азаматтардың карталарынан ақша ұрлау үшін деректерді алуға тырысады.
Тұрғындарды алаяқтық әрекеттерден сақтау мақсатында бүгін, бүгінгі құқықтық мемлекет құрамыз деген заманда әрбір адам өз құқықтарын жете біліп, жалпы заң білімі саласынан мағұлмат алғаны дұрыс. Заңды аттамай, тура жолмен жүріп, еліне адал қызмет еткен азамат қана мұратына жетеді.
Бүгінгі таңда қоғамның алдында тұрған басты міндеттердің бірі — балалар мен жасөспірімдер арасындағы құқықбұзушылықтың алдын алу, әлімжеттіктің алдын алу, зорлық-зомбылықтың алдын алу, кәмелетке толмағандар арасындағы қылмыстың өсуіне жол бермеу.
