Соңғы уақыт аралығында Жетісай ауданының аумағында интернет-алаяқтық қылмыстарының өсу тенденциясы байқалады.
Көбіне, алаяқтар өзін банк қызметкері ретінде таныстырып, тұлғалардың сеніміне кіріп, нәтижесінде қарапайым азаматтар қылмыскерлердің құрбаны болуда.
Аталған фактілер аудан тұрғындары тарапынан сақтық шараларының жоқтығының айқын көрінісі болып табылады.
Сол себепті, Жетісай ауданының тұрғындарын келесідей сақтық шараларын сақтау қажеттілігі туралы ескертеміз:
— өзінің паспорттық және өзге де дербес деректерімен бөлісуге, банктік карталардың нөмірлерін, пин-кодты, сондай-ақ келіп түскен SMS парольдерді ешкімге хабарлауға болмайды;
Сізге Банк қызметкерлері мен қауіпсіздік қызметі ұсыну бойынша ұялы телефоныңызға хабарласса:
— артық тиімді ұсыныстарды қабылдамаңыз – осылайша Сіздің ақшаңыз өзіңізде болады;
— тауарды сатып алу (сату) кезінде алдын-ала төлем жасауға келіспеңіз;
— белгісіз тұлғаларға ақша аудармаңыз;
Сонымен қатар, аудан тұрғындары мен қонақтарына мемлекеттен қайтарымсыз ақша шығару, қызметке (жұмысқа) орналасу үшін, теріс ниетті, пайдакүнемдік пиғылмен әрекет етуші делдал адамдардың арбауына түсіп қалмай, тікелей «Атамекен кәсіпкерлік палатасына», жұмыс орындарына немесе «Мансап орталықтарына» құжаттарын ресми түрде тапсыру ұсынылады.
Жетісай ауданының прокуратурасы интернет-алаяқтық қылмыстарынан сақтық шараларды сақтау қажеттілігі туралы тағы да ескертеді!
Жетісай ауданының прокуратурасы
