Ақ пен қараны ажырату
Ғаламдық ақпараттық кеңістік өмірлік қажеттіліктерімізді толықтырып, қоғамдық, әлеуметтік, рухани тұрғыдан қанағаттандырып отыр ма? Жаңа ақпараттық күй қалыптасқан ғаламда тепе-теңдікті қалай сақтауымыз қажет? Алдағы уақыттан қандай эффектілер мен өзгерістер күтуге болады? Міне, осы сұрақтарға (психологияның бір саласы ретінде қалыптасып келе жатқан) жаңа технологияның адамға әсерін зерттейтін киберпсихология жауап береді.
Бүгінгі қоғам виртуалды әлемдегі діни ақпараттың адам санасы мен көзқарасын қалай форматтап, жан дүниесінде қандай сезімдер тудырып, әлеуметтік ұстанымын қалай қалыптастырып жатқанын дін ғылымдарымен бірге, жаңа технологияның адам болмысына әсерін зерттейтін киберпсихологияның зерттеу құралдарымен де байланыстырып, айқындап беруді талап етіп отыр.
Бірақ, бұл арада киберпсихология деген не? Оның негізін қалаушылар кімдер? Пайда болу тарихына жеке тоқталып жатпаймыз. Мақсат – киберпсихологияның зерттеу әдістерімен интернет арқылы тарап жатқан діни ақпаратқа адамның тәуелділігі, сананы форматтау технологиясы, әсері мен нәтижесі туралы ой өрбіту.
Ә.БЕКТҰР, ҚМДБ баспасөз бөлімінің бас маманы, дінтанушы
