Алаяқтық – бөтеннің мүлкін жымқыру, алдау немесе сенімді теріс пайдалану жолымен бөтен мүлiкке құқықты иемдену. Алаяқтық — бұл нарықтық экономика жағдайында және кәсіпкерлік қызмет еркіндігінде кең таралған қылмыстың түрі. Бүгінгі таңда ең кең таралып жатқан алаяқтықтың өте қауіптісі – ол интернет арқылы жасалатын алаяқтық.
Ғаламтордағы әккілер әсіресе әлеуметтік желілерді ұтымды пайдаланып отыр.Интернет алаяқтық қазіргі қоғамның ең өзекті әрі маңызды мәселесіне айналды. Ең жиі кездесіп жүрген интернет алаяқтықтың түрлері: интернет арқылы сауда жасау және қызмет көрсету, сондай-ақ өздерін банк қызметкері ретінде таныстырып, жеке деректерді иемдену және бөтен біреудің атынан онлайн-несие рәсімдеу арқылы жасалатын қылмыстар болып отыр. Интернеттің мүмкіндігін қылмыстық іс-әрекеттерін жүзеге асыру үшін оңтайлы пайдаланып жүрген алаяқтардың әдіс-тәсілдері күн сайын өзгеріп, жаңарып отырады.
Интернет — платформаларда тауарларды сатып алу және банктер мен полиция өкілдерінен алаяқтық қоңыраулары сияқты дәстүрлі схемалардан басқа, алдаудың жаңа түрлерінің өсуі байқалады, оның ішінде зиянды қосымшаларды орнату және мессенджерлерде күдікті сілтемелерге өтуге сұрау салу.
Зиянкестердің мақсаты – пайда табу. Олар кез келген жолмен ақша қаражатын алдын ала төлем ретінде аударуды сұрайды. Егер сіз өнімді өз көзіңізбен көрмесеңіз, мұндай сатып алулардан бас тартқан дұрыс.
Алаяқтар құрбандарын ақша салуға көндіру үшін үлкен ұтысқа уәде беріп, оларды қызықтыруға тырысады. Алаяқтық нәтижесінде жәбірленушілер өз қаражаттарын үшінші тұлғалардың банктік шоттарына жиі аударады. Көбінесе шабуылдаушылар танымал мессенджерлер арқылы банктік карталарды сатып алу және қолма — қол ақша қызметтері туралы хабарландырулар таратады.
