Келес ауданы бойынша Мемлекеттік кірістер басқармасында жалпы саны 10 111 заңды тұлға және жеке кәсіпкерлер тіркелген. Жалпыға бірдей декларацияның үшінші кезеңінде заңды тұлғалардың басшыларымен жеке кәсіпкерлікпен айналысатын салық төлеушілерге 250.00 үлгідегі декларация тапсыру міндеттелген. Жалпыға бірдей декларацияны тапсыруға міндеттелген салық төлеушілерге хабарлау парағы шығарылды. Алдағы уақытта аудандағы әкімшілік аумақтар бойынша салық төлеушілерге хабарлау парағы табыс етіледі. Бұл туралы Келес ауданы бойынша Мемлекеттік кірістер басқармасының басшысы Азамат Қайыпжан мәлімдеді.
Келес ауданының әкімі Жәнібек Ағыбаев төрағалық еткен жиын өтіп, онда аудандық мемлекеттік кірістер басқармасының 2024 жылдың бірінші тоқсаны үшін атқаратын жұмыстары туралы мәселе қаралды. Басқарма басшысы алдымен жеке тұлғалардың 2022 жылғы көлік салығы бойынша атқарылған жұмыстарды мәлімдеп, көлік салығы берешектерін өндіру бойынша тиісті әкімшілендіру ұйымдастыру жұмыстары туралы кеңінен баяндады. Сонымен қатар, жалпыға бірдей декларацияның үшінші кезеңі туралы атап өтті.
— Биыл жалпыға бірдей декларациялау жөніндегі науқанның үшінші кезеңі басталды. 2024 жылдың 1 қаңтарынан бастап жеке декларацияны кәсіпкерлер, сондай-ақ олардың жұбайлары ұсынады. Науқанға Келес ауданынан 10 111 адам қатысады деп жоспарланып отыр. Жыл басынан бүгінгі күнге дейін 322 азамат 250.00 үлгідегі декларация тапсырып үлгерді. Орындау қарқыны 97,9 пайызды құрап отыр. Ал, 270.00 үлгідегі декларацияны табыс етуге 15 801 салық төлеуші міндеттелген, — деді басқарма басшысы өз баяндамасында.
Жиын барысында сөз алған аудан әкімі Жәнібек Есенұлы бас қосуда көтерілген мәселелерді атқаруда аудандық Мемлекеттік кірістер басқармасымен бірлесе жұмыс істеуге ауыл, ауылдық округтерінің әкімдеріне тапсырма жүктеп, орындалуы бақылауға қойылды. Сондай-ақ жиынға қатысушылар тарапынан ұсыныс, пікірлері тыңдалып, сұрақтарға жауап берілді.
