Түркістан облысында «Туған жер – алтын бесігім» атты қала, ауданаралық мәдениет күндері бастау алған болатын. Мәдени байланысты нығайтуға бағытталған шара аясында Кентау қаласының Сауран ауданындағы мәдени күндері өтті.
Тағылымды шара Сауран ауданы, Жүйнек ауылында «Киелі жерлер – бірлік пен жаңғыру нышаны» дөңгелек үстелімен бастау алды. Әрі қарай «Жаңарған ауданға кенді қаладан сәлем» атты кентаулық өнерпаздардың мерекелік концертімен жалғасын тапты.
Мәдени күндер аясында, одан бөлек шебер қолдар көрмесі ұйымдастырылып, салт-дәстүрге негізделген көрініс көрсетілді. Кентау қаласы мен Сауран ауданы рухани және мәдени тұрғыда бір-бірімен етене жақын тығыз байланыста екеніне осы іс-шара дәлел бола білді.
