Қытайдың Ханчжоу қаласында жазғы Азия Параойындары жалғасып жатыр. Кеше Қазақстан қоржынына 2 алтын, 2 күміс, 4 қола медаль олжалаған болатын. Ал бүгін таңертең Қазақ елінің спортшылары тағы бір күміске қол жеткізді.
Параканоэден Жалғас Тайкенов KL3 бағдарламасы бойынша 200 метр қашықтыққа мәреге екінші болып жетті. Жалғас – Түркістан облысының су спорт түрлерінен олимпиада резервінің мамандандырылған балалар мен жасөспірімдер спорт мектебінің шәкірті.
Спорттық додаға 43 мемлекеттен 4000-ға жуық спортшы қатысып жатыр. Байрақты бәсекеде Қазақстаннан 131 спортшы, 14 спорт түрінен бақ сынап, 485 медаль жиынтығын сарапқа салуда.
