Мемлекеттік қызмет істері агентігінің Түркістан облысы бойынша департаментінің тарапынан «Мемлекеттік көрсетілетін қызметтердің сапасы мен қолжетімділігі мәселелері жөніндегі іс-шаралар жоспарына» сәйкес Ордабасы ауданы әкімдігіне қарасты мемлекеттік мекемелердің мемлекеттік қызмет көрсету мәселелері бойынша жәрмеңкесі онлайн форматта өтті.
Жәрмеңкеге аудандық ауыл шаруашылығы және жер қатынастар бөлімі, ветеринариялық қызмет, адами әлеуетті дамыту бөлімі мен мемлекеттік кірістер басқармасы, аумақтық ветеринариялық инспекция сала мамандары қатысты.
Онлайн форматта өткізілген жәрмеңкеде мемлекеттік қызмет көрсету кезінде халықтың құқықтарын, бостандықтары мен заңды мүдделерін сақтауды қамтамасыз ете отырып, әкімшілік кедергілерді азайту мен халыққа қызмет көрсету тиімділігін арттыра отырып қызметтерді сапалы көрсету, оның ішінде электронды түрде көрсетілетін қызметтерді кеңінен насихаттау бойынша кеңес берілді.
Тұрғындар тарапынан келіп түскен сұрақтарға толыққанды жауап берілді.
Аудан әкімінің баспасөз қызметі
