Аудан әкімі Нұрбек Бадырақовтың төрағалығымен жаңа оқу жылына дайындық жұмыстары бойынша жиналыс өтті.
Аудандық Білім бөлімінің оқу жылына дайындығын пысықтаған аудан әкімі салалық бөлім басшысына жаңа оқу жылына орай мектеп формасымен қамту мақсатында әлеуметтік аз қамтылған отбасыдан шыққан 2400 балаға кәсіпкерлердің қолдауымен жәрмеңке ұйымдастыруды тапсырды.
Алқалы жиында аудан басшысы әкім орынбасары Е.Исмайловқа республикалық «Ауыл – Ел бесігі» бағдарламасымен және облыстық, аудандық бюджет есебінен салынып жатқан білім беру мекемелерінің құрылыс жұмыстарын, аяқталу мерзімін қадағалауды жүктеді.
Сондай-ақ Нұрбек Бақтыбайұлы аудандағы оқушы тасымалдауды қажет ететін 57 елді мекендердегі мектептерге автобус ұйымдастыру, педагогтардың біліктілігі мен білімділігін көтеру бойынша индикатор құру, жергілікті шарт-жағдайға байланысты мектеп жанынан бала бақша ашу, Исмайлов мектебіндегі күрделі жөндеу жұмыстарын уақытылы аяқтау, Нұрлыбеков мектебінің комиссия мүшелеріне қадағалау жүргізу, мектеп ғимаратындағы әжетхана сапасы бойынша жауапты мекеме басшыларына нақты тапсырма берді. Әрі жүктелген міндет пен берілген тапсырмалардың уақыты әрі сапалы орындалуын тікелей өз қадағалауына алатындығын жеткізді.
Аудан әкімінің баспасөз қызметі
