Аудан әкімімен кездесу барысында ауыл тұрғындары ағын су, ортақ жайылым, спорт зал, жол, электр жарық мәселесі бойынша айтылды.
Нұрбек Бақтыбайұлы Теспе көлі арқылы ауылға келетін ағын судың аздығы мәселесін шешу үшін салалық бөлім басшысына бір апта көлемінде каналдар мен су жіберу құрылғыларына жөндеу жұмыстарын жүргізуді, әрі Бадам орман шаруашылығына қарасты өзен жағалауындағы жерлерді заң аясында саралап, тез арада ортақ жайылымға қайтаруды тапсырды.
Сондай-ақ аудан әкімі балалардың бұқаралық спортпен айналысуына қолайлы шарт-жағдай жасау үшін алдағы уақытта стадион мәселесін саралап, облыстық басқармаға өтінім беретіндігін жеткізді.
Аудан әкімінің баспасөз қызметі
