ПОЛИЦИЯ КҮНІ ТОЙЛАНДЫ

Ау­дандық полиция бө­лімінің ұжымы төл мереке­сін қос қуа­ныш­пен қарсы алды. Биыл олардың ғима­ра­ты толық­қанды күрделі жөн­деу­ден өтіп, қо­сымша құры­лыс­т­армен то­лық­ты. Аудандық ішкі істер бөлімінің бұ­рынғы бас­шылары мен ардагерлері, зиялы қауым және БАҚ өкілдері іс-шараның төрі­нен орын алды.

Мерекелік жиынның ашылу рәсімінде сап түзе­ген аудандық ішкі істер бөлімі қыз­меткер­ле­рі­нің іс-шараға дайын екен­дігі жөнінде бөлім бас­т­ығының бірінші орын­­­басары, по­лиция под­пол­ковнигі Ба­қытжан Махам­бетов аудан әкімі Бағ­лан Батыршаевқа ра­порт берді.

Мұнан соң Қазақстан Рес­публикасының гимні орын­далып, полицейлер сап түзеп, еліміздің көк туын салтанатпен алып шық­­ты. Мерекелік жиында әс­ке­ри қайраткер, гене­рал-майор Шерімхан Шам­баев пен Түр­кістан облысы По­ли­ция де­партаменті басты­ғы­ның орын­басары Бауыр­жан Са­пар­­ұлы сөз алып, еңбегі ерен бірқатар аза­мат­тарға «Қа­зақстан по­ли­циясына 30 жыл» ме­ре­­ке­лік медалін та­быс­тады.

Сөз алған аудан әкімі Бағлан Батыршаев:

— Аудандық полиция бө­­лімінің ғимараты ірге­та­­сы қаланғаннан бе­рі кү­рде­лі жөндеу көр-ме­ген. Әбден тозығы жет­кен ны­сан заман талап­тарына сай емес еді. Биыл аудан­дық бюджеттен қар­жы бөлініп, бөлім ғи­ма­раты күрделі жөндеуден өт­ті. Құрылыс жұмыс­тарына байланысты төл мереке уақытынан кейін өтіп жа­тыр. Дегенмен, жаңа ны­санда барлық жағдай жасалынған, — деді аудан басшысы.

Аудандық мәслихат хатшысы Қасымбай Әб­ді­халық та уақытпен са­нас­пай қыз­мет етіп жүрген ішкі істер бөлімінің қыз­меткерлерін құттық­тап, жұ­мыстарына табыс тіле­ді.

Мұнан соң аудан әкімі Бағ­­лан Дәнебекұлы мен мәс­­­лихат хатшысы Қа­сым­бай Әбдіхалық жау­ап­­­ты жұ­мыс­­та қыра­ғы­лық таныт­қан қыз­мет­керлерді аудан әкі­мі­нің, мәс­­­лихат хатшы­сының, «Ама­­­­нат» партия­сының ал­ғыс хатта­ры­мен мара­пат­тады.

Өткеніңді еске алмай, бо­лашақ баянды болмас. 1976 жылы осы бөлімнің ір­гетасын қалап, аудандық милицияны басқарған Жә­ні­­бек Рахиевқа арнап бө­лім қабырғасына естелік тақ­­тайша орнатылған екен. Ж.Рахиевтің ұрпақ­тары Уалихан, Серік Рахиев­тер, келіні, аудан­да­ғы бел­гілі кә­сіпкер ана Айымхан Ра­хие­ва ескерт­кіш тақ­таны сал­­та­на­т­ты жағ­дай­да ашып, ата­ла­рына қа­тысты ес­те­ліктер айтты. Соны­мен қа­тар осы бөлім­де қыз­мет еткен по­лицей­лер жайын­да «Қа­сиет­ті Орда­ба­сының ай­­бынды сақшы­ла­ры» ат­ты кітап­тың тұ­сауы ке­сіл­ді.

Одан соң Түркістан об­лы­­сы Полиция депар­та­мен­ті бастығының орын­басары Бауыр­жан Са­пар­ұлы аудан­дық по­ли­ция бө­ліміне үш ав­то­көліктің кіл­­тін сал­та­натты жағ­дайда тап­сырды.

Ме­­ре­­ке­лік шара ба­ры­сында ау­дандық полиция бөлімінің бастығы, поли­ция подполковнигі Ға­лым­жан Қуашбаев сөз алып:

— Атаулы мерекеде ардагерлерді және жеке құ­рамды Қазақстан полиция­сы­ның күнімен шын жү­рек­тен құттықтаймын! Еліміз­дің тыныштығын күзетуші тәртіп сақ­шыларына және олар­дың отбасыларына құт – бе­реке, зор денсау­лық, аман­дық тілеймін!, — деді.

Шара соңында арнайы келген қонақтарға дастар­қан жайы­лып, қызметте жүріп оқыс­­тан қаза тапқан және өмі­р­­ден өткен әріп­тес­терінің рух­­тарына ар­нап Құран ба­ғыш­­­талды.

 Ғалымжан ЗИЯБЕК, Нүридін ШӘМШІҰЛЫ, Гүлмира ЕЛБАСИЕВА,

өз тілшілеріміз.