«AMANAT» партиясы Ордабасы аудандық филиалының қоғамдық қабылдау бөлімінде Ордабасы ауданының әкімі, аудандық партия филиалының төрағасы Бағлан Батыршаев аудан тұрғындарының арыз-шағымдары бойынша қоғамдық қабылдау өткізді.
Қабылдауға жазылған Бөржар, Бадам, Қажымұқан ауылдық округіне қарасты ауыл, елді мекендерден келген 10-нан астам тұрғын жеке мәселелері бойынша аудан басшысына өз өтініш-талаптарын айтты.
Қоғамдық қабылдау барысында Ақбұлақ ауылындағы жарықтандыру, ауыз су, Қайнар ауылындағы жайылым, үйіргелік жер, Темірландағы тұрғын үй салуға жер телімін сұрау мәселесі көтерілді.
«Ауданда электр желілерін тарту, ауыз су құбырларын жүргізу, ауыл, елді мекендердегі жолдарға асфальт, тас төсеу бойынша жұмыстар мемлекеттік бағдарламалар арқылы кезең-кезеңімен жүзеге асырылуда. Президентіміздің Жолдауларындағы тапсырмаларға орай пайдаланылмай, игерілмей жатқан жерлер аудандық жер қорына қайтарылып, ортақ жайылымаға берілуде. Ал, тұрғын үйлік жер телімін береу мәселесіне келер болсақ, бұл жұмыстар бірінші кезекте тек инженерлік-инфрақұрылым жұмыстары жүргізілген жағдайда ғана жүзеге асады», деді аудан әкімі қоғамдық қабылдауда.
Аудан тұрғындарының арыз-шағымын мұқият тыңдаған Бағлан Дәнебекұлы өтініштерді Заң аясында қарап, ауылдастардың мәселесін уақытылы шешуге күш салатындығын жеткізді.
Сондай-ақ, салаға жауапты әкім орынбасарлары мен құрылымдық бөлім басшыларына тұрғындармен тығыз қарым-қатынаста жұмыс істеп, қордаланған мәселелерді бірлесіп шешуді тапсырды.
Ордабасы ауданы әкімдігінің баспасөз қызметі
