Бадам ауылдық округінің тұрғыны Асель Шаимова «Нұрсезім» кондитерлік дүкені мен кафесінің жұмысын қарқынды жүргізіп отырған жас іскер әйел.
Ең алғашқы кәсібін 2017 жылы бастап, 2021 жылы мемлекеттік «Бастау — Бизнес» жобасының қатысушысы атанып, мемлекеттік бағдарлама аясында сертификат алған.
Ауыл тұрғындарына тәттілердің түр-түрі мен дәмді тағам ұсынған іскер әйел алдағы уақытта кәсібін дамыту мақсатында қайтарымсыз грант алуға үміткер.
Бүгінде кәсіпкер азаматша табысын еселеуден бөлек ел ішінде қайырымдылық шараларында белсенділік танытып, ауылдастарға көмектесуде.
Ордабасы ауданы әкімдігінің баспасөз қызметі
