Саяси науқанға Ордабасы ауданының тұрғындарымен қатар денсаулық жағдайына байланысты ем алып жатқан азаматтар да қатысты.
1935 жылы туған Төрткөл ауылдық округінің тумасы, волейбол спортынан талай биік белесті бағындырған ардагер спортшы, Тыл ардагері Исақұл Советбек Ата Заңға өзгерістер мен толықтырулар енгізу туралы өтіп жатқан референдумда өз таңдауын жасады.
“Мемлекетіміз бен Президентіміздің қамқорлығының арқасында ауылымыздағы аурухана күрделі жөндеуден өтіп, басы ауырып, балтыры сыздаған жандардың ем алуына жақсы шарт-жағдай әзірленді. Мен Конституцияға өзгертулер мен толықтырулар еніп, халқымыздың жағдайының жақсарғанын қалаймын”, деді 87 жастағы ардагер.
Төрткөл ауылдық округіне қарасты референдум учаскелерінің мүшелері өздігінен жүріп тұра алмайтын азаматтарға жылжымалы учаскелік топ мүшелері қызмет көрсетуде.
Төрткөл ауылдық ауруханасының аға дәрігері Әлия Өксікбаеваның айтуынша аурухананың 98 қызметкері де бұл науқаннан тыс қалмай, референдумға қатысты таңдау жасапты.
Ордабасы ауданы әкімдігінің баспасөз қызметі
