Темірландағы Амангелді атындағы жалпы орта мектебінің ұстаздары тағы бір топ шәкірттерін жаңа өмір жолына шығарып салды.
Білім ұясының алды мерекедегіше безендірілген. Жүргізушілер: «Кеше ғана тұлымдары желбіреп, жүректері лүпілдеп мектеп табалдырығынан имене аттаған ұл-қыздарымыз бойы өсіп, ойлары толысып, мектебімен қоштасқалы отыр», — деді.
Бітіруші түлектер көк туымызды 10 сыныптың оқушыларына табыстап, бастауыш сыныппен бірге соңғы қоңырау соқты.
Және де өнерге бейім олар әннен шашу шашып, қоштасу вальсін биледі. Аталмыш кешке шақырылған қонақтар, мектеп басшылығы, ата-аналар қауымы жастарға сәтті сапар тілеп, ҰБТ-дан жақсы балл алатындарына сенім білдірді.
Биылғы жылы орта мектепті 81 оқушы бітіруде екен.
Содан кейін түрлі байқаулардың жеңімпаздарын марапатталды. «Аяулы мектебім» әні орындалып, «Соңғы қоңырау» әні шырқалғанда биылғы түлектердің жүректерін шым еткізіп, жүздерін қимас сезім, көңілдерін аяулы мұң шалғаны заңдылық еді. Соңғы қоңырау сыңғыры естілді. Көк аспанға ұшырылған шарлар жастардың асқақ армандарын тым-тым алысқа әкетіп бара жатқандай…
Гүлмира ЕЛБАСИЕВА,
өз тілшіміз.
