«Егемен Қазақстан» АҚ Басқарма Төрағасы, «AMANAT» партиясы жанынан құрылған республикалық штаб мүшесі Дархан Қыдырәлінің Түркістанда бастау алған жұмыс сапары Сайрам ауданында жалғасты.
Жаңа Конституцияның енгізілуі, оның қоғам үшін маңыздылығы жайлы ақпараттық-түсіндіру жұмыстарын жүргізу мақсатымен келген Д.Қыдырәлі аудан жұртшылығымен кездесті. Жиындарға «AMANAT» партиясы Түркістан облыстық филиалының Атқарушы хатшысы, партия жанындағы облыстық штаб төрағасы Бейсен Тәжібаев, облыстық және аудандық мәслихат депутаттары да қатысты. Олар Манкент ауылындағы Әл-Фараби атындағы жаңа мектептің құрылыс жұмыстарымен танысып, ашық алаңда құрылысшылармен жиын өткізді.
— Референдум өткізу – әрбір азаматтың билікке араласуын , биліктің халыққа қызмет етуін, екеуінің арасында алшақтық болмауын негізге алып отыр. Үкімет әділ, шынайы әрі ашық болсын деген қағидамен туындаған шешім деп ойлаймын. Жаңа Заңдар арқылы билікке ауыл-аймақтардан білікті азаматтар шығатыны анық. Оған дәлел ретінде өңірлерді аралап жүрген Мәжіліс депутаттарын айта аламыз. Жалпы елдің өркендеуіне әрқайсымыз үлес қосуымыз керек , — деді Д.Қыдырәлі.
Сондай-ақ, «Манкент агро 2020» өндірістік кооперативіне қарасты шаруалармен де кездесу барысында да Ата заңдағы өзгеріске енгелі тұрған баптарды түсіндірме беріп, тарқатып айтты. Жиын қатысушылары тарапынан да өзекті тақырыптар қозғалып, республикалық штаб мүшесіне ұсыныстар айтылды. Қарабұлақ ауылында өткен кездесуде білім және денсаулық саласының өкілдерімен де пікіралмасулар болды.
— Қарабұлақ елді мекені елімізде аты шыққан, еңбекқор халқымен мәшһүр ауылдардың бірі. Мұғалімдер қай кезде де рухани-мәдени, ағартушылықтың өкілдері. Алдағы үлкен белесте өздеріңізбен кеңесуді ұйғардық. Бұл референдумның кеңейтуге, ұзартуға байланысты орны бөлек. Президенттің өкілеттігін бөлісу, Парламенттің және соттың ықпалын күшейту, сайлау жүйесін нақтылаумен ерекшеленуде, — деген республикалық штаб мүшесі кездесулерде референдумді халық болып қолдауға және маңызды кезеңде дұрыс шешім қабылдауға шақырды.
«AMANAT» партиясы Түркістан облыстық филиалының баспасөз қызметі
