Ордабасы ауданы бойынша автомобиль жолдары мен елді мекен көшелерінің жалпы ұзындығы 1 398,4 шақырымды құрайды.
Жыл қорытындысымен 28 нысан немесе 30 шақырым автожол пайдалануға беріліп, жергілікті маңызы бар автомобиль жолдарының қанағатты жағдайдағы үлесі 48,2 пайызға дейін артты.
2022 жылы орташа жөндеу-тас төсеу жұмыстарымен жалпы 32 нысан немесе 94,4 шақырым көше қамтылады.
Жыл қорытындысымен қанағатты жағдайдағы үлесі 61 пайызға дейін артады.
Салалық басқарма тарапынан 64,7 шақырым облыстық маңызы бар автомобиль жолына 2 млрд. 546 млн. 740 мың теңгеге қаржы бөлініп, орташа жөндеу жұмыстары жүргізіледі.
Бұдан бөлек, республикалық бюджет есебінен биыл 8 аудандық маңызы бар автомобиль жолдарына орташа жөндеу жұмыстары жүргізіліп, 32,3 шақырым жол пайдалануға беріледі.
Мәселен, жуырда ғана аудан әкімі Бағлан Батыршаевтың ауыл тұрғындарымен кездесуде айтылған өтініштері бойынша Бөржар ауыл округіне қарасты Ұялыжар ауылындағы Ш.Уалиханов, Б.Сатбайұлы және Қ.Сатпаев көшелеріне асфальт жабындысы төселді.
Осы қарқынмен ауданда қанағатты жағдайдағы жолдардың үлесін 2025 жылға дейін 90 пайызға жеткізу жоспарлануда.
Ордабасы ауданы әкімдігінің баспасөз қызметі
