Бала үшін ең алғашқы білімнің бастауы – балабақшада. Ал, балабақша тәрбиешісі мектеп жасына дейінгі балаларды тәрбиелейді, мектепке даярлайды, отбасына көмектесетін басты тұлға.
Шымкент қаласында №11 «Аружан» бөбекжай балабақшасында тәрбиешісі Гүлфайруз Жүзбаева 22 жылдан бері бала тәрбиесіне өз үлесін қосып келеді.
Тәрбиеші балаларды мектепке шығарып салғанға дейін жетелейді. Сонымен бірге ол жас ұрпақтың бойына тәрбиенің алғашқы негіздерін қалыптастыратын, адамгершілік, мәдениет, әдебиет, өнер мен техниканың даму жайын жақсы білетін және оны түсіндіре алатын білікті маман болуы керек.
Осындай қасиеттің барлығы Г.Жүзбаеваның бойынан табылады. Еңбек жолында балаларды қоғамға баулып қана қоймай, балабақша кезінен халықаралық байқауларға бағыттайды. Гүлфайруз Пернебекқызының кішкентай шәкірттері халықаралық «Пони», «Үркер» байқауларына электронды байқауларға қатысып, Алғыс хаттармен марапатталған.
2020 жылы қаладағы педагогика орталығында цифрлық білімін жетілдерген маман www.bilimkids.kz порталы арқылы балаларды қашықтан оқытуды бастаған.
Ұрпақ тәрбиесіне қосқан үлесі үшін білікті маманға қалалық білім басқармасының Алғыс хаты мен Мадақнамасы табысталған. 2020 жылы Қазақстан педагогтар қауымдастығы I дәрежелі дипломымен марапатталған.
Шымкент қаласы әкімдігінің баспасөз қызметі
