Шымкент қаласы әкімі Мұрат Әйтеновтің Әл-Фараби ауданы тұрғындарымен кезекті кездесуінде хаттамалық тапсырмалардың орындалу барысы талқыланды.
Аудан бойынша жалпы 64 хаттамалық тапсырма тіркелген. Бүгінде оның 21-сі орындалып, 32 тапсырма жұмыс барысында, 6 тапсырма 2025 жылға дейін орындалмақ.
Тұрғындар «Жаңабазар» көшесін асфальттау мен ауыз су тарту мәселесін көтерген болатын. Бүгінде аталған көшедегі 40-тан астам үйге ауыз су тарту жұмыстары жүргізілуде. Құрылыс-монтаждау шілде айында аяқталып, пайдалануға беріледі.
Жәнібеков және Рысқұлов көшесі аралығындағы атауы жоқ көшеге жаяу жүргіншілер жолын салуға(0,6 шқ) сметалық құжаттама әзірленді. Қазір мердігер мекеме анықталуда.
«Отырар» ш/а Жәнібеков көшесімен жүретін. №66 бағыттағы қоғамдық көліктің сызбасы қайта бекітіліп, қазір 8 автобус 18-20 минуттық интервалда қызмет көрсетуде.
Текесу тұрғындары асфальт жол мәселесін жеткізген болатын. Қала әкімі елді мекендегі Ақсай мен Көлді көшелерін орташа жөндеу жұмысы 2023 жылдың жоспарына енгізілгенін айтты.
Елдімекен мәселелері ашық талқыланған жиында М.Әйтенов жауапкершілік арқалап келген аудан тұрғындарына алғысын білдірді.
Шымкент қаласы әкімдігінің баспасөз қызметі
