Сарыағаш ауданында көктемгі егін жұмыстары басталды. Осыған орай аудан әкімі Арман Абдуллаев Жартытөбе ауылдық округіне арнайы барып, егіс алқаптарының жай-күйімен танысты. Аймақ басшысы шаруамен пікір алмасып, ауыл шаруашылығын дамыту бағытындағы мемлекеттік қолдаулар туралы айтты. Сонымен қатар, шаруаларға жерді тиімді пайдалану, өнім көлемін арттыру және заманауи агротехнологияларды енгізу қажеттігін жеткізді.
Сапар аясында аудан басшысы Құрама елді мекені аумағында орналасқан «Қайрат» шаруақожалығына барды. Шаруашылықтың жалпы жер көлемі — 1 гектар. Оның ішінде 0,70 гектар алқапқа 20 мың түп «Фарао» сұрыпты қырыққабат, ал 0,25 гектар жерге 17 мың түп «Клери» сұрыпты құлпынай көшеттері отырғызылған. Диқандар көктемгі дала жұмыстарының агротехникалық талаптарға сай жүргізіліп жатқанын атап өтті. Ерте пісетін өнімдерді өсіру арқылы ішкі нарықты сапалы көкөніс өнімдерімен қамтамасыз ету көзделіп отыр.
Түркістан облысының Өңірлік коммуникациялар қызметі
