Ордабасы ауданының ауыл шаруашылығын дамытудағы маңызды бағыттарының бірі – заманауи агротехника мен технологияларды енгізу. Техникасыз қазіргі заманда ауыл шаруашылығын елестету мүмкін емес, себебі өнімділікті арттыру, еңбек шығынын азайту және өнім сапасын жоғарылату тек заманауи құралдар арқылы жүзеге асады.
2025 жылдың 11 айында аудан шаруалары жаңа техника сатып алу бойынша белсенділік көрсетті. Жоспар бойынша 168 бірлік жаңа техника алынып, өткен жылғы көрсеткіш – 117 бірліктен едәуір жоғары болды. Бұл жаңа техникалардың ауыл шаруашылығы дақылдарын егу, өңдеу және жинау жұмыстарын тиімді ұйымдастыруға мүмкіндік берді.
Агротехникаға субсидияларды мемлекет қаржыландырады. Бұл бағдарлама фермерлерге жаңа заманауи техниканы сатып алу арқылы өндіріс көлемін арттыруға және еңбек шығынын азайтуға мүмкіндік береді. Шаруалар бұл жеңілдікті қарқынды пайдаланып, ауыл шаруашылығын жаңғыртуға белсенді кірісті.
Сонымен қатар, егістік жерлерді өңдеуде тыңайтқыштар мен суармалы жүйелерді тиімді пайдалану да маңызды рөл атқарады. 2025 жылы шаруалар 14,9 мың тонна органикалық және минералды тыңайтқыш қолданды, ал суармалы жүйелер арқылы 1 595 гектар жерге тамшылатып және жабырлатып суғару енгізілді. Бұл шаралар өнімділікті арттыруға және мол өнім алуға мүмкіндік береді.
Агротехникалық жаңалықтардың тағы бір маңызды бөлігі – суармалы каналдарды жөндеу және тазалау. 51 каналдың 132 шақырымы тазаланды, бұл судың еркін ағынын қамтамасыз етуге және егістік жерлерді толық пайдалануына септігін тигізді.
Қорытындылай келе, Ордабасы ауданының агротехникалық жаңалықтарды енгізу саясаты – ауыл шаруашылығын заманауи деңгейге көтеруге, өнім көлемін арттыруға және ауыл шаруашылығы саласын тұрақты дамытуға бағытталған маңызды стратегия болып отыр. Заманауи техника мен технологияларды қолдану арқылы ауданның аграрлық секторында жаңа серпін беріліп, экономикалық өсім қамтамасыз етілуде.
