Шағын және орта бизнес — экономиканың ең қозғалмалы әрі ең маңызды бөлігі. Бұл секторда жұмыс істейтіндер саны жыл сайын артып, халықтың табысы өсуде. Соңғы уақытта кәсіпкерлерге берілетін қолдау көлемі ұлғайып, жаңа бағдарламалар іске қосылды.
Биылдың алты айында кәсіпкерлерге «Ұлттық жоба» аясында 822 млн теңге несие берілді. Оның ішінде айналым қаражатын толықтыру, техника сатып алу, жаңа кәсіп ашу, құрылыс жүргізу секілді бағыттар бар.
Субсидиялау және кепілдендіру желілері арқылы ондаған кәсіпкер қаржылық қолдауға ие болды. Бұл — кәсіп бастаймын деген азаматтар үшін үлкен мүмкіндік.
Аймақта әсіресе қызмет көрсету саласы, сауда, жеңіл өнеркәсіп және құрылыс бағытында жаңа кәсіпорындар ашылуда. Жеке меншік балабақша, әлеуметтік дүкен, наубайханалар, ағаш өңдеу цехтары көбейді.
Бизнестің дамуына әкімдік тарапынан көрсетілетін қолдау да маңызды рөл атқарады. Кәсіпкерлер үй-жай, жер, инфрақұрылым мәселелерін тез шеше алады. Бір терезе қағидаты бизнестің уақытын үнемдеуде.
Шағын бизнестің өсімі — халықтың экономикалық белсенділігінің артуын көрсетеді. Бұл — кез келген өңірдің тұрақтылығының белгісі.
