Соңғы жылдары аймақ жоғары деңгейдегі инвесторлар үшін тартымды өңірге айналып отыр. Бұған бірнеше фактор әсер етеді: инфрақұрылымның қолжетімділігі, жер телімдерінің дайындығы, бюрократияның азаюы, мемлекеттік қолдау және ең бастысы — нарықтың үлкендігі.
Шымкент агломерациясына жақын орналасу — аймақ үшін үлкен артықшылық. 1,5 миллионнан астам адам тұратын аумаққа жақын болу — кез келген кәсіпкер үшін үлкен нарық. Өнімді сатуға да, жұмысшылар табуға да ыңғайлы.
Индустриялық аймақтың 500 гектарға кеңейтілуі инвесторлар үшін жаңа мүмкіндіктер ашты. Бұрын жер жеткіліксіздігі кей жобалардың кідіруіне себеп болатын. Қазір бұл мәселе шешіліп, ірі жобаларға жол ашылды.
Инвесторлармен жұмыс істейтін арнайы фронт-офис құрылды. Жобаны талқылау, жер бөлу, құжат әзірлеу, инфрақұрылымға қосу — барлығы бір терезе арқылы жүргізілуде. Бұл — кәсіпкерлердің уақытын үнемдейді.
Шетелдік инвесторлардың қызығушылығы да артып келеді. Қытай, Корея, Түркия, Чехия елдерінің кәсіпкерлерімен әріптестік орнатылған. Олардың ішінде металлургия, ауыл шаруашылығын қайта өңдеу, құрылыс материалдары, машина жасау бағытындағы жобалар бар.
Инвесторлар ең алдымен өңірдің тұрақтылығын бағалайды. Құқықтық қолдау, қауіпсіздік, инфрақұрылым, жұмыс күші, логистика — бұл критерийлер бойынша аймақ жақсы позицияға ие.
Бизнес-климаттың жақсаруы тек ірі кәсіпорындарға ғана емес, шағын бизнеске де оң әсер етеді. Жаңа кәсіпкерлер саны көбейіп, қызмет көрсету саласы дамып келеді.
Инвесторлардың келуі — өңірдің дамуының басты қозғаушы күші. Жаңа зауыттар, жаңа фабрикалар — бұл жаңа жұмыс орындары, жаңа жолдар, жаңа әлеуметтік нысандар.
