Шардара ауданы жастарының тарихи танымын арттыру мақсатында ерікті жастар үшін “Ұзыната” кесенесіне экскурсия ұйымдастырылды.
Танымдық шара барысында қатысушылар қасиетті орынның тарихымен танысып, рухани-мәдени құндылықтарға терең үңіле түсті.
Жастар кесене аумағын аралап, өлкеміздің бай тарихына қатысты мағлұматтар алып, киелі орындардың қоғамдағы маңызын ұғынды.
Бұл шара жас буынның туған жерге деген сүйіспеншілігін арттырып, ұлттық рух пен патриоттық сезімге тәрбиелеуді көздейді.
Іс-шара соңында еріктілер аумақты ретке келтіріп, тазалық жұмыстарына да атсалысты.
