Шардара ауданы әкімінің тапсырмасына сәйкес, аудандық “Жастар ресурстық орталығының” ұйымдастыруымен Шардара ауданында Отан алдындағы қасиетті борышын өтеуге аттанғалы тұрған жас сарбаздарды салтанатты түрде шығарып салу рәсімі өтті.
Іс-шараны аудан әкімінің орынбасары Төребеков Бейсенбай Тасболатұлы ашып, жастарға ел сенімін ақтап, абыроймен оралуға тілектестік білдірді. Сонымен қатар, әскери қызметін адал атқарып, тәртіп пен дайындықта үлгі болған сарбаздарға аудан әкімі А. Қарсыбаевтың атынан арнайы алғыс хаттар табыстады.
Шара барысында ел ағалары – Ауған соғысының ардагері Сатпаев Қылыш, Шардара аудандық қорғаныс істері жөніндегі бөлімше басшысы, подполковник Жұманов Ербол, сондай-ақ ардагерлер кеңесінің төрағасы, ауданның құрметті азаматы Бердібеков Тоқсанбай сөз сөйлеп, сарбаздарға ақ жол мен сәтті сапар тілеп, ақ батасын берді.
Бұл – Отан қорғау жолына шыққан ер жүрек жастарға көрсетілген зор құрмет пен сенімнің белгісі.
