Сауран аудандық «Жастар ресурстық орталығы» КММ-нің ұйымдастыруымен Жүйнек ауылдық округіне қарасты “А.Югнаки” атындағы жалпы білім беретін мектебінің оқушыларына әскерге шақырту бойынша түсіндірме жұмыстары жүргізілді.
Кездесуге «Жастар ресурстық орталығы» КММ-нің инспекторы Г.Қошқарова және АӘД дайындық пәнінің мұғалімі Н.Аббасов мектеп оқушыларына әскерге шақырту бойынша, онымен қоса әскери оқу орындарға түсу ережелері бойынша үгіт-насихат жұмыстарын жүргізілді.
Жыл сайын Қазақстанда 18-27 жас аралығындағы барлық жас жігіттер шақырылады. Әскери қызмет және Қазақстан Республикасын қорғау әр азаматтың парызы мен міндеті болып табылады. Қазір әскерге өздігінен сұранатындар аз, тіпті жоқтың қасы десек те болады. Бозбалалардың көбі Отан алдындағы борышын өтегеннен гөрі, ерте еңбекке араласып, ақша табуды мақсат тұтады. Ел алдындағы парызды өтеу парыз, сол міндеттерді орындаудан қашпауға ауданымыздың жастарын шақырамыз.
