Жетісай аудандық полиция бөлімі ЖПҚ-нің Жетісай қаласына бекітілген учаскелік полиция инспекторларының 2024 жылдың 12-айында азаматтардың құқықтары мен бостандықтарын, заңды мүдделерін қорғау, қылмыстардың алдын-алу және қоғамдық тәртіпті қамтамасыз ету бағытында профилактикалық жұмыстарының қорытындысы туралы халыққа есебін беру бойынша Жетісай қаласындағы М.Горький атындағы №1 мектеп-гимназияның мәжіліс залында Жетісай АПБ бастығының 1-орынбасары полиция майоры М.Құрбанбаев, Жергілікті полиция қызметінің бастығы полиция подполковнигі Ж.Ғаппаров, Жетісай АПБ ЖПҚ учаскелік полиция инспекторы, полиция подполковнигі Б.Абдурахманов, Жетісай АПБ № 172 және №174 УПП учаскелік полиция инспекторлары, Жетісай қала әкімдігінің заң бөлімінің бас маманы Нұркен Серік, қоғамдық кеңестің мүшелері, ақсақалдары, мекеме қызметкерлері, ауыл тұрғындарының қатысумен жиналыс өткізілді.
Жиналыс барысында Жетісай АПБ-ның жергілікті полиция қызметінің учаскелік полиция инспекторы полиция подполковнигі Абдурахманов Бекмырза Қалмырзаұлының 2024 жылдың 12-айында атқарылған қылмыстардың алдын-алуда, қоғамдық тәртіпті қамтамасыз етуде профилактикалық жұмысының қорытындысы туралы халыққа есеп берді. Жетісай АПБ бастығының 1-орынбасары полиция майоры М.Құрбанбаев тұрғындардың ұсыныстары мен пікірлерін тыңдап, олардың құқық қорғау органдарының жұмысына қатысты сұрақтарына жауап берді.
Сонымен қатар, интернет-алаяқтар көп қолданатын әдістер мен оларға қарсы тұратын тәсілдерін, соның ішінде «Банктік несие алудан ерікті түрде 6 айға баста тарту» қызметін түсіндірді.
Бүгінде алаяқтардан зардап шегіп, алданып қалып жатқан адамдар саны аз емес. Ұрлықтың азайып, алаяқтық жайтының көбейгендігін аңғаруға болады. техника дамыған сайын, ғаламтор арқылы өз олжасына оңай қол жеткізетіндер көбейді. Олар қарапайым телефонен-ақ арам істерін іске асыруда.
Жұмысқа қабылдаймын немесе мемлекеттен берілетін жәрдемақыларды, әлеуметтік көмектерді т.б сізге күмән келтіретіндей жолмен ұсынса, ақпардың нақтылығына және заңды екендігіне көз жеткізіңіз! Онлайн арқылы несие алу, әлеуметтік желілердегі әр түрлі тауарларды, өнімдерді және қызметтерді сатуға арналған жарнамаларды қарағанда сақ болыңыз! Әр түрлі банктердегі шоттарға төлем аударуды талап еткен жағдайда мұқият болыңыз! Алдын ала төлем жасамаңыз!
Тауарларды расталмаған сату көздерін пайдаланбаңыз! Интернетте, соның ішінде әлеуметтік желілер арқылы жасалатын күмәнді мәліметтерден бас тартыңыз! Төлем жүйелерімен белгісіз тұлғаларға ақша аудармаңыз!Басқа қалаға арналған қосалқы бөлшектерді сатып алғанда, достарыңыз бен таныстарыңызға айтып, сатушымен кездесуге және сатып алынған өнімді тексеруді өтініңіз. Әбден көз жеткізіңіз!Бейне байланыс жүйесі арқылы сатушының өз төлқұжатын көрсетуін сұраңыз! Сонымен қатар, ең бастысы сіз ешкімге банк шотыңыздың толық нөмірін, құпия сөздерін беруге, айтуға міндетті емессіз!
Осы айтылған кеңестерді есте сақтаңыздар! Сонда алаяқтардың өзіңізді арбауына жол бермейтін боласыз!
Қоғамдық кеңестің мүшелері мен ақсақалдар жергілікті тұрғындардың қауіпсіздігін қамтамасыз ету үшін полициямен тығыз ынтымақтастықта болудың қажеттілігін атап өтті.
Қортындылай келе, өз сөзінде «кілемді жабын» бейнебақылау жобасы аясында кәсіпкерлерге өздерінің коммерциялық объектілеріне сапалы бейнебақылау камераларын орнатып және орнатылған бейнебақылау камераларын Полиция департаментінің Жедел басқару орталығына біріктіру (интеграциялау) керектігін түсіндірді.
Жиналыс соңында қатысушылар құқық қорғау органдарының жұмысына қолдау көрсету және азаматтардың құқықтары мен бостандықтарын қорғау бойынша бірлескен әрекеттерді жалғастыру туралы келісімге келді.
