Бүгін Түркістан облысы бойынша экономикалық тергеп-тексеру департаменті ұйымдастыруымен Кентау қалалық “Жастар ресурстық орталығы” ғимаратында жастар арасында есірткі, құмар ойындар, алаяқтыққа қарсы иммунитет қалыптастыру мақсатында “ТӘРТІПТІ ӨЗІҢНЕН БАСТА” ТАҚЫРЫБЫНДА маңызды кездесу өтті.
Кездесуге Түркістан облысы бойынша экономикалық тергеп-тексеру департаментінің басшысы Ерболат Темірболатұлы Балғабаев, Кентау қаласының әкімі Жандос Қалмырзаұлы Тасов, сондай-ақ басқа да жауапты қызметкерлер мен жастар қатысты. Кездесуде қоғамда белең алып бара жатқан қауіпті дерт — Лудомания (құмар ойындарға тәуелділік) мәселесі, оның алдын алу шаралары мен салдары туралы пікірлер айтылды.
Қала әкімі Жандос Тасов өз сөзінде жастарды әлеуметтік дерттерден сақтап қалу үшін әрбір азаматтың жауапкершілігін сезінуі қажеттігін атап өтіп, қоғам болып бірлесе күресу керектігін айтты. Ал Ерболат Темірболатұлы өмір жолындағы өз тәжірибесінен мысалдар келтіріп, жастарға бағыт-бағдар беріп, еркін форматта пікір алмасып, жастардың сұрақтарына жауап берді.
Түркістан облысы бойынша экономикалық тергеп-тексеру департаментінің аға жедел уәкілі Гүлзия Қарсыбай лудоманияның алдын алу және интернет алаяқтарынан сақтану жолдары жайында маңызды ақпараттармен бөлісті.
ездесу барысында жастар белсенді түрде сұрақтар қойып, пікір алмасты. Іс-шара жастардың есірткі мен құмар ойындардан қорғау, алаяқтықтан сақтану туралы ақпараттандыру және қоғамда тәртіпті қалыптастыру жолындағы маңызды қадам болды.
