Сайрам ауданы әкімінің міндетін атқарушы М. Әліповтың төрағалығымен ведомствоаралық комиссия мүшелерінің қатысуымен “Ерте жүктіліктің алдын алу”, “Суицидтің алдын алу” және “Адам папилломасы вирусына қарсы екпе егу” тақырыптары бойынша Сайрам аудандық әкімшілікте брифинг өтті. Сайрам аудандық орталық ауруханасы басшысының ана мен бала денсаулығын қорғау бойынша орынбасары Л. О. Карасаева аталған тақырыптар бойынша баяндама жасады.
Айта кетсек, қыркүйек айынан бастап 11 жастағы қыздарға адам паппиломасы вирусына қарсы екпе егу жоспарлануда. АПВ инфекциясын жұқтыру жатыр мойны обырын, вульва мен қынаптың, көмей мен ауыз куысының қатерлі ісігін тудыруы мүмкін. Бүгінгі таңда АПВ-ның емі жоқ, алдын алудың жалғыз әдісі — вакцинация!
Вакцина тегін негізде білім беру ұйымдарының егу кабинеттері арқылы қолжетімді болады. Сондай-ақ ата-аналардың қалауы бойынша вакцинацияны тіркелген жері бойынша емханалардан алуға болады.
Вакцинация ата-аналардың немесе қамқоршылардың ақпараттандырылған келісімімен жүргізіледі.
АПВ-ға қарсы вакцинация қарсы көрсетілімдер болмаған жағдайда дәрігердің қарауынан кейін жүргізіледі.
АПВ-ға қарсы вакциналар стандартты 0,5 мл көлемде иықтың дельта түріндегі бұлшықетінің ішіне енгізіледі.
