«Суицид» латын тілінен аударғанда «өзін-өзі өлтіру, өзіне қол салу» деген мағынаны білдіреді. Қазақстан суицид жасау жағынан бірінші ондыққа кіреді екен. Ал жыл сайын әлемде 1 млн адам өзіне қол жұмсайды, яғни 2 млн адам өз өміріне балта шабуға әрекеттенеді. Олардың 8 мыңы қазақстандықтар. Әр сағат сайын бір адам өз еркімен өмірін қиып жатады. Әсіресе, елімізде жастар арасындағы өзін-өзі өлтіру фактілері басқа елдерге қарағанда үш есе көп екен. Ресми органдардың дерегі бойынша, Қазақстан елдегі азаматтарының өз өмірлерін қиюы бойынша әлемде 3-орынды алады. Бұл туралы qazdauiri.kz-ке сілтеме жасаған 4tagan.kz ақпараттық агенттігі жазады. Бұл туралы qazdauiri.kz-ке сілтеме жасаған 4tagan.kz ақпараттық агенттігі жазады.
Суицид жасауға басты себеп тұрмыстық зорлық-зомбылық, әлеуметтік жағдайдың төмендігі, ішімдік пен нашаға әуестік, қайғылы оқиғадан кейін депрессияға түсу, психологиялық науқастар, т. б. жағдайлар. Теледидардан осыған ұқсас оқиғаларды жиі көреміз. Қызғаныштан үстіне бензин құйып өртеген әйел, жағдайдың жетіспеушілігінен өзі мен балаларын биік ғимараттың терезесінен тастаған аналар, күйеуінен, енесінен қысым көріп асылып өлген келін оқиғалары… Әсіресе мектеп оқушылары мен армияда қызмет етіп жүрген әскерлердің жан-жағындағы зорлық-зомбылық пен әділетсіздікке шыдамай өз-өздеріне қол салуы жиілеп кетті. Бұл – қоғам дерті. Оның алдын алып, жан-жақтан көмектесіп күреспесек, кейін тым кеш болады.
Адамның бойындағы стрестік жағдайлар мен жүйкенің шаршауы депрессияға апарады. Депрессия әр адамда әртүрлі, кейбіреуде ауыр өтуі мүмкін. Дегенмен одан шығып, жазылып кетуге болады. Көңіл күйі түсіп, күйзеліске түскен жанға керегі жақындарың көңіл бөліп, жылы сөйлесуі, ыстық ықыласы.
