Бүгін аудан әкімі Ерлан Нұрмаханов халықтың қаржылық сауаттылығын арттыру мақсатында ауданда өтіп жатқан «Қарызсыз қоғам» атты оқу-тренингінің қаржы эксперті Мұратжан Есенбаевты қабылдады. Қабылдауда қаржы эксперті аудан әкіміне жобаның барысын баяндады, деп хабарлайды аудан әкімінің баспасөз қызметіне сілтеме жасаған jetpisbai.kz ақпараттық агенттігі.
Аудан басшысы «Қарызсыз қоғам» жобасының қоғам алдындағы тиімділігі жоғары екендігін. Қаржылық сауаттылықты арттыру қазіргі таңда әрбір тұрғынға керек ақпарат. Сондықтан аталған жобаға қолдау білдіретінін жеткізді.
Жобаның он бірінші легі 13 мамыры күні Бәйдібек ауданындағы Ағыбет ауылдық округінде басталды. Ағымдағы жылдың 16 тамызына дейін аудандағы барлық ауылдық округке қарасты елді мекендерде өткізу жоспарлануда.
Айта кетейік, «Қарызсыз Қоғам» жобасы Бәйдібек ауданында жұмысын жалғастыруда. «Қарызсыз қоғам» жобасы аясында қаржылық сауаттылықты арттыруға ниет білдіргендердің барлығын оқуға шақырады.
Оқу бес күн өтеді. Осы уақыт ішінде Сіз қаржылық тәуелсіздік дағдыларын, отбасылық бюджет аудитін үйренесіз, шығындарыңызды басқарасыз, қаржылық жоспарлауды үйренесіз, өзіңізге тиімді шарттармен кредит таңдайсыз, депозиттердің әртүрлі шарттарымен танысасыз.
«Қарызсыз Қоғам» 5 күндік курсына оқу үшін Amanat партиясының жергілікті филиалына немесе жергілікті әкімшікке хабарласып, тіркелуге болады.
Оқыту тегін өтеді.
