Төлеби ауданы, Алатау ауылдық округі Қайнар елді мекенінің клубында ауылдық округтің 2023 жылдың қорытынды есебі және 2024 жылы атқарылатын жұмыстары бойынша көшпелі жиын өтті. Басқосуға Төлеби ауданының әкімі Төлеген Телғараев төрағалық етіп, ауылдық округ әкімі Мадияр Құрбаналиев әлеуметтік-экономикалық даму көрсеткіштері, ауылшаруашылық, кәсіпкерлік, туризм бағытындағы атқарылған жұмыстардың орындалу барысын баяндады.
2023 жылы округ нақты түскен салықтар көлемі 48 млн 785,0 теңгені құрап, жоспар 106, %-ға артығымен орындалып, шығыстардың кассалық игерілуі 100 пайызды құрады. Округте экономикалық белсенді халық саны 3788 адам болса, олардың жұмыспен қамтылғаны — 1514 адам. Жұмыссыздар саны 83 адам болып, жұмыссыздық деңгейі 5 пайыз. Атаулы әлеуметтік көмек 18 отбасына көрсетілді.
Ауылшаруашылығы саласында былтырғы жылы жеке кәсіпкер А.Пралиев Нысанбек ауылында 5 га жерге алма бауын егіп, 7 млн теңге инвестиция тартылғанү Қорған ауылында А.Ташметов ШҚ 29 млн теңгеге ауылшараушылығы техникасын алды. Қосағаш елді мекенінде жеке кәсіпкер Б.Темірбеков құс шаруашылығын ашып жұмыс жасауда. 2000 бас күрке тауық асырап кәсіп жасап жатса, А.Темирбекова үйіргелік жерді тиімді пайдалану мақсатында 1 кіші балық шаруашылығын ашып, жылына 4 тонна балық өнімін алуда. Алатау ауылында жеке кәсіпкер М.Валиев бал ара шаруашылығын ашып, 300 ұяшықтан 2 тонна, Қайнар ауылында Р.Усипбеков 300 ұяшықтан 2 тонна, Қайнар ауылында А.Ахметов 200 ұяшықтан 1 тонна бал өндіріп жұмыс жасауда. Бір алқаптан 2 өнім алу жоспары 15 га болып үй іргелік жерлерге картоп, қияр, сарымсақ т.б көкөністер егіліп жоспар толығымен орындалды.
Туризм саласында ауылдық округ аумағында жалпы 121 нысан жұмыс істейді. Оның 55 туристік нысандар (демалыс орындары), қалғаны 66 саяжайлар. 2023 жылы Біркөлік ауылында ЖК Т.Наралиев қонақ үй, мейрамхана ғимаратының құрлысын аяқтап, іске қосты. Нысанбек ауылында ЖК Г.Файзиева 1 қонақ үй, 11 коттедж ғимараты құрлысын аяқтап, пайдалануға ұсынды. Біркөлік ауылында ЖК М.Сақыбаев қонақ үй, мейрамхана ғимаратының құрлысын аяқтады. Біркөлік елді мекенінде ЖК Ө.Рысбаев демалыс аймағының құрылысын аяқтап, іске қосты. Нысанбек ауылында ЖК А.Юнусов қонақ үй құрылысын аяқтады. Сондай-ақ, Қосағаш және Нысанбек елді мекендерінде Е.Тұрапбаев, Ш.Ажибаевтар автокөлік жуу бекеттерін ашып жұмыс жасауда. Екпінді және Қосағаш ауылдары қиылысында ЖК Н.Абдешов «DAR MED» медициналық орталығын салып іске қосты. Жоба құны 135 млн теңге. Бұл орталықта терапия, тіс емдеу, лор, гинекология және егі бөлмелері жұмыс жасауда. 10 адам жұмыспен қамтылды.
Жиын барысында аудан әкімінің орынбасары, дербес бөлім басшылары ауылдық округ мамандарына берілген тапсырманың орындалу деңгейіне қатысты ұсыныстарын айтты.
Аудан әкімі Төлеген Тұртайұлы ауылдық округтің аппарат мамандарына жұмысты ширатуды, халықтың әл-ауқаты да жақсарту, округтің инженерлік-коммуникация жүйелерін ретке қатысты қажетті ұсыныстар беру, мемлекеттік бағдарламалардың орындалуын қамтамасыз етуді тапсырды. Әр сала маманына мемлекеттік қызметші ретінде халық үміт артатынын ескретіп, ауылдық округтерде игі бастамалар мен жобалар жүзеге асыруына бастамашы болу қажеттігін ескертті. Мемлекеттік қызметтің мәртебесі, оның қызметінің түрі де, өкілеттілігі мен міндеттері, құқы мен жауапкершілігі де мүлде жаңа талаптарға жауап беруі тиістігін түсіндірді.
