Бүгін Ордабасы ауданының әкімі Азат Оралбаев Бадам ауылдық округі аумағында құрылысы жүргізіліп жатқан спорт кешені, ауыз су жүйесінің құрылыс жұмыстарын тексеріп шықты.
“Кез-келген құрылыс жұмыстарын алғаш бастаған сәттен бастап сапасына көңіл бөлген дұрыс. Сондықтан ауданымызда салынып жатқан құрылыс нысандарында ең бірінші кезекте сапа мәселесі тұруы керек” деді аудан әкімі Орда мөлтек ауданында салынып жатқан спорт кешенін аралау сәтінде.
Аудан басшысы 210 орынға лайықталған жаңа спорт кешенін аралау барысында аудандық Сәулет және қала құрылысы бөлімінің басшысына жұмыс кестесіне сай құрылысты мерзімінде аяқтауды айтты.
Мұнан соң аудан басшысы аталған мөлтек аудандағы екі қабатты тұрғын үйдің ішкі коммуналдық жүйелерін, сыртқы қасбетін тексеріп, ауыл әкімі, салалық бөлім басшысына тұрғын үй ауласына балалар ойын алаңшасын орнату, көгалдандыру, кәріз жүйесін реттеу, басқа ауылдардан көшіп келген азаматтарды қоғамдық жұмыстарға тарту бойынша нақты тапсырма берді.
Округтегі іссапары барысында аудан әкімі Ордабасы ауылына қарасты Баян бұлақ, Таңбалы бұлақ, Ұзын бұлақ, Қылышбұлақ елді мекендеріне жүргізілген ауыз су құрылысын аралап, тұрғын үйлерге су кіргізу жұмыстарын тексеріп шықты.
Азат Әбдіғалиұлы су құбырларының қыс мезгілінде қатты суықтан сақтау үшін жер асты жүйелерін қаптау жұмыстарын жүргізіп, ауыз судың ауылға іркілісіз жетуін қамтамасыз ету қажеттігін айтты.
Сонымен бірге, аудан әкімі Азат Оралбаев Шұбарсу ауылында құрылысы жүргізіліп жатқан бірқатар нысандарды аралап, жұмыс барысын тексерді.
Әуелі аудан басшысы ауылдың кіреберіс қақпасында қоршау жұмыстары мен заңсыз сауда нүктелерін ретке келтіру бойынша мердігер мекеме жауаптылары және ауыл әкіміне тапсырма берді.
Бүгінде Шұбарсу ауылында инженерлік-инфрақұрылым жүйелерін жаңарту мақсатында ауқымды жобалар қолға алынған.
Аудан басшысы ауыз су құрылысы жобасының 3, 4, 5 кезеңінің “Көлсай”, “Дәнекер”құрылыс алаңында болып, мердігерлерге нысанды жоспарлы мерзімде аяқтап, ел игілігіне беруді міндеттеді.
Азат Әбдіғалиұлы округ аумағын аралау барысында сапасыз салынған балалар ойын алаңшасы, спорт алаңдарын сынға алып, құрылыс сапасына қатаң қадағалау жүргізу керектігін айтты.
жалпы, ауданда жасалып жатқан жобалардың жоспар бойынша атқарылуы аудан әкімінің тікелей қадалағалуында.
Осы орайда, аудан әкімі Азат Оралбаев әкім орынбасарлары мен салалық бөлімдерге жүктелген жұмыс жоспарының орындалу деңгейі бойынша жиналыс өткізді.
Кезекті отырыста аудандық Тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі мен аудандық Сәулет және қала құрылысы бөлімінің басшылары аудан аумағында қолға алынған сәулеттік жобалардың эскиздік жобасы, округтердегі инженерлік-инфрақұрылым жүргізу жобасының жұмыс кестесі бойынша баяндады.
Жиын барысында аудан әкімінің бастамасымен қолға алынған Темірлан ауылының қасбетін әрлеу бойынша көше қиылыстарында, канал жағалауында салынатын тұрғындарға ыңғайлы шағын демалыс орындары, Шұбарсу, Қайнар ауылдары туралы ақпарат беретін паспорт, Темірлан ауылының Түркістан бағытын жарықтандыру, баттандыру бойынша жобалар талқыланып, мақұлданған жұмыстар конкурсқа жариялау бойынша айтылды.
Сондай-ақ аудан басшысы Қараспан, Шұбарсу ауылдық округтерінде жүргізіліп жатқан табиғи газ, ауыз су құрылысының аяқталу мерзімінің жоспардан кешіккендігін сынға алып, жауапты мекеме басшыларына мердігерлерге талапты күшейтіп, құрылысты кесімді мерізім ішінде аяқтауды тапсырды.
Аудан әкімі Азат Оралбаев ауданның сәулетік қас-келбетін заман ағымына сай әрлеу мақсатында бірқатар сәулетші-мүсіншілермен кездесті.
«Аудан орталығы – Темірланның кіреберісінен бастап, ірі көше, шағын аллеяларына дейін өңіріміздің тарихынан сыр шертетін ұлттық нақыштағы бейнелеу өнері туындыларын орнату мақсатында өздеріңіздің жобаларыңызбен танысуды жөн санадық. Біз Сіздерден еш жерде қайталанбайтын, аудан тарихынан сыр шертетін туындыларды күтеміз. Жәнеде дайындалатын әрбір нысан талапқа сай болуы тиіс», деді аудан әкімі кездесуде.
Кездесу соңында аудан басшысы Азат Әбдіғалиұлы Сәулет және қала құрылысы бөліміне мүсіншілермен талдау, зерделеу жұмыстарын жүргізіп, Темірланның кіреберіс қақпасына, Арыс өзені көпірінің екі жағындағы жол бөліктеріне сәулеттік келбеті айшықты тың жобалар ұсынуды тапсырды.
Соныиен бірге, аудан әкімі Азат Оралбаев ауданда табиғи газды жеке секторларға енгізу жөнінде нақты тапсырма берді.
Аудан әкімі Азат Оралбаевтың төрағалығымен аудан аумағын газдандыру құрылысына жауапты мердігер мекеме басшылары, ауылдық округ әкімдерімен бірлескен мәжіліс өтті.
Жиынның күн тәртібінде газ құбырлары тартылған ауылдардағы жеке секторларға құжат рәсімдеу, газ кіргізу мәселесі талқыланды.
Қарақұм, Төрткүл, Қажымұқан ауылдық округтеріне қарасты Ынталы, Спатаев, Елшібек батыр, Қызылжар ауылдарындағы үйге газ жүргізу көрсеткішінің төмендігін сынға алған аудан басшысы мердігер мекеме жауаптыларына ақпан айына дейін абонемент үлес салмағын 90 пайыздан асыруды тапсырды.
Сондай-ақ Азат Әбдіғалиұлы ауылдық округ әкімдеріне ауыл-аймақты аралап, іргеге келген көгілдір отынды тез арада жеке үйлерге енгізу бойынша тұрғындарға түсіндіру жұмыстарын жүргізу қажет екендігін жеткізді.
Әрі жоғарыда айтылған тапсырмалардың орындалуын тікелей өз қадағалауына алатындығын айтты.
